مصطفى قمر: بشرى هي سبب خروج "أولاد حريم كريم" للنور

قال الفنان مصطفى قمر، إن الفنانة بشرى هي أهم أسباب خروج فيلم “أولاد حريم كريم” للنور والبدء في تنفيذه.

تابع “قمر” خلال لقائه مع “et بالعربي”: “الست الجميلة دي هي السبب ان فيلم أولاد حريم كريم يطلع للنور، ودايما كنا بنحاول نتقابل في مشاريع كتير بس الظروف مكانتش بتسمح، لكن سبحان الله.. وميرسي لبشرى بجد، وعاوز أقول ان دورها خطير وعاملة شغل ستات عالي بس على راقي بقى”.

نرشح لك: بشرى: التكهنات حول فيلم “أولاد حريم كريم” بتضحكني

فيما قالت الفنانة بشرى: “مصطفى قمر من أكتر الناس اللي بعتتلي أفلام عشان أشاركه البطولة فيها على مدار تاريخي الفني المتواضع، وعمر الظروف ما كانت بتسمح ان المشاريع دي تكمل”.

أضافت: “في حالة تحدي وحرب شرسة بين الفريق القديم بتاع “حريم كريم” والفريق الجديد بتاع “أولاد حريم كريم” اللي هما أنا وعمرو عبد الجليل والشباب الصغير، ولسة المعركة قائمة وهنشوف مين هيكسب”.

ويشارك في بطولة فيلم “أولاد حريم كريم” مجموعة كبيرة من النجوم من بينهم مصطفى قمر، داليا البحيري، خالد سرحان، عمرو عبد الجليل، بسمة، علا غانم، بشرى، رنا رئيس، يوسف عمر، تيام قمر، تأليف زينب عزيز وإخراج علي إدريس.