منة شلبي: يسرا دعمتني في بداياتي ووشها حلو عليا
وصفت الفنانة منة شلبي، الفنانة الكبيرة يسرا بأن “وشها حلو” على كل من يعمل معها، وأكدت أنه لا يوجد نظريات علمية تدعم كلامها، ولكن تلك حقيقة يشهد بها كل من عمل معها.
أضافت “شلبي” خلال حلولها ضيفة على برنامج “سهرانين” مع الفنان أمير كرارة على قناة ON: “يسرا وشها حلو جدًا على كل اللي اشتغلوا معاها، يعني مفيش ممثل وقف قدام يسرا ومبقاش شيء، كل الأسماء اللي وقفت قدامها ربنا كرمهم بنور وموهبة وكل حاجة”.
نرشح لك: ناس وقعت بنا.. منة شلبي تتحدث عن كواليس خلافها مع هند صبري
وعن علاقتها بها قالت: “وقفت معايا كتير جدًا، وبحبها جدًا جدًا، وهي عارفة ده بس بحب أعبر عن ده في كل وقت، هي ليها حتة في قلبي كده زيادة”.
وأكدت منة أن يسرا وقفت بجوارها ودعمتها في بداياتها كثيرًا، متذكرة كواليس تعاونها معها في مسلسل “أين قلبي” قائلة: “كانت مصممة أعمل دول في “أين قلبي”، ومكنتش عملت غير “الساحر” و”بحب السيما”، أفلام عظيمة بس مكنش ليا قاعدة جماهيرية أوي لسة، وكنت بعمل مسلسل “لدواعي أمنية” لو عايزة أقول محظوظة بقى فأنا لحقت الفنان كمال الشناوي الله يرحمه، واشتغلت معاه”.
أضافت: “أستاذة يسرا كانت مصممة أعمل توحة في “أين قلبي”، وبفضل الله وهي رشحتني للمخرج مجدي أو عميرة، وفرق معايا الدور ده كتير، والناس كانت بتناديني في الشارع حتى في الدول العربية بيقولولي “يا توحة” فربنا يخليكي لينا”.