محمود العسيلي: لساني مش طويل لكن مبحبش أجامل
قال الفنان محمود العسيلي، إنه لا يحب أن يجامل أحد لأن المجاملة تضر الشخص، خاصة في العمل، موضحا أنه أيضا لا يحب أن يجامله أحد.
أضاف “العسيلي” خلال لقائه مع “Gossips“: “أنا لساني مش طويل أنا صريح ومبحبش الحال المايل، فلو لقيت الحال مايل في حاجة هقول على طول، لو حد سألني رأيك إيه هقول رأيي على طول، مبحبش أجامل لأن المجاملة بتضر”.
نرشح لك: أسعار تذاكر حفل عمرو دياب بمراسي الساحل الشمالي
أما عن عن زواجه 3 مرات، قال: “أنا عندي مبدأ في الحياة إنك لازم تعيش سعيد وأي حاجة متخلكش سعيد لازم تتمرد عليها، لأن في الآخر هيجيلك السكر أو القلب، وكفاية ضغط الحياة اللي إحنا عايشينه، لازم على الأقل تكون سعيد مع شريك حياتك، والقلب يحب كتير، ممكن يفضل يحب على طول”.
أشار: “مستحيل أزرع شعر أو أحط باروكة، أنا عاجبني شكلي كده، شكلي وأنا بشعر كان غريب جدا، وكان لازم أعمل شعري عشان أصور، وارتحت جدا لما طار ومش عايزه يرجع تاني أبدا”.
كما كشف “العسيلي” عن سبب عدم ذهابه إلى مدينة فيينا مرة أخرى، موضحا: “مش هروح مدينة فيينا تاني، لأن الشيشة بتقفل الساعة 12 بليل، وده يخليني مكملش في البلد دي خالص، لأني بعد العشا لازم أشرب شيشة”.