بسبب المكياج.. ابنة فؤاد أحمد تروي تفاصيل إصابة والدها بالعمى
كشفت السيدة إيمان، ابنة الفنان الراحل فؤاد أحمد، تفاصيل إصابة والدها بالعمى بسبب مكياج دوره في مسلسل “محمد رسول الله” وطريقة إزالته.
قالت “فؤاد” في تصريحات لصفحة “ربع دكة_ مع فاروق” على موقع “فيس بوك”: “دخلت علشان أحسم الموضوع.. بابا فعلا حصل له حالة العمى المفاجئ من أثار البنزين اللي كان بيستخدمه في مسلسل (محمد رسول الله) آخر جزء، وبابا راح أمريكا وخد علاج كتير أوي لحد ما بدأ النظر يتحسن بس بقي ضعيف جدا”.
نرشح لك: شاهد.. خناقة أحمد سعد مع منظمة حفله في تونس
أضافت: “وعلشان هو عنده إصرار وعزيمة كان بينزل يشتغل وإحنا بنكون معاه وبنوصله ونرجعه البيت، وأنا كنت بسجل معاه الدور بالصوت، لأن مكنش بيعرف طبعا يقرأ الاسكريبت وعمل (علشان خاطر عيونك) ومسلسل (جمهورية زفتى) و(السيرة الهلالية) وهو تعبان”.
تابعت: “أثبتت التحاليل بعد ما رجع من أمريكا أن البنزين هو السبب في انسداد شرايين الدمع الموصلة للعين وده سبب العمى، وفعلا محدش كان بيصدق أن بابا مش شايف من كتر إصراره على الشغل والنزول للعمل وعشقه للفن”.
استكمل: “ومرة من المرات كان فيه عرض لمسرحية (علشان خاطر عيونك) في بلد من الأقاليم وكان فيه مياه على الأرض، وبابا ما شفش المياه ووقع وحصل له كسر في الضلوع ونقلناه على المستشفي في القاهرة والعرض بتاع المسرحية وقف لـ كذا شهر لحد ما بابا يخف”.
أوضحت: “وفي مسلسل (سامحوني مكنش قصدي) كان بيحفظ الحركة وكلنا بنكون جنبه علشان يحفظ المكان وبعد كده هو بيتحرك براحته بس بشرط محدش يحرك أي جزء من الديكور علشان يبقى حافظ الحركة ومحدش يحس أنه مش شايف، وفي فيلم (المشبوة) و(خلي بالك من عقلك) و(رجل لهذا الزمان) مكنش لسه تعب”.
اختتمت: “أعتقد كده أنا رديت على كل التساؤلات وبما يرضي الله.. ربنا يرحمه ويغفرله ويسامحه”.