أحمد سالم: لم أترك مهنتي في النقاشة والغناء رزق لم أسع له
أحمد سالم
نفى المطرب أحمد سالم الشهير بـ “المطرب النقاش” أنباء تركه لمهنة النقاشة، بعد تكرار التساؤلات حول هذا الأمر، مؤكدا أنه مازال يعمل في هذه المهنة.
كتب “سالم” عبر صفحته الرسمية على موقع “فيس بوك”: “أخواتي وأصدقائي الأول كل سنة وأنتم طيبين وبخير وعيد سعيد عليكم جميعا وربنا يجعل أيامكم كلها سعادة وهنا يارب”.
نرشح لك: بالصور.. صفاء أبو السعود تتألق في حفل مانحي الأمل
أضاف: “حابب أوضح كام حاجة كنت اتسألت فيها من كام حد، هو أنت سيبت مهنتك ليه وشغلك؟ واتجهت للفن والأغاني والموسيقى والكلام ده، لا يا جماعة، أنا أولا ولا سيبت شغلي ولا مهنتي أنا الحمد لله شغال لحد دلوقتي والناس اللي من بلدي عارفين الكلام ده”.
أوضح: “تاني حاجة أنا مجرتش ورا أغاني ولا حاولت إني أجري أنا الموضوع كله جه معايا صدفة، وربنا هو اللي بيبعت الأرزاق الموضوع جه لوحده ناس كتير اتفاجأت وأنا كمان اتفأجات زيكم بالظبط واتحاربت كتير وناس اتكلمت عليا كويس وناس اتكلمت عليا وحش وناس عملتلي طبعا البحر طحينة وناس وقفت جنبي بس فالأول والآخر مين فضل معايا هو ربنا فالحمد لله”.
تابع: “أنا كنت حابب أوضح حاجة واعتبر أنها كده وضحت للكل أي حد عايز يتواصل معايا أنا شخصيا في أي شغل أنا تحت أمر الكل ورقمي هسيبه فكومنت ياريت شير يا أخواتي عشان اللي مشافش البوست يشوفه”.
في سياق آخر، نفى الفنان رامي جمال، الأخبار التي تفيد بتأخر تعاونه مع أحمد سالم، الشهير بـ “المطرب النقاش”، موضحا أنه قدم أغنية لأحمد سالم في فيلم “شلبي”، لافتا إلى أن دوره معه قد انتهى.
كتب “جمال” عبر “فيس بوك”: “معرفش مين قال إني معملتش الأغنية لأحمد الأغنية اتعملت وفي فيلم (شلبي) وأحمد مضي قبلها مع شركة تانية فأنا مبقاش لیا دور أحمد يحتاجه”
أضاف: “يا ريت تحري الدقة واختيار ما يهم الناس فقط لأن العنوان ده في تلميح ليا بالتخلي عن وعدي اللي نفذته لأحمد.. الخبر كله غلط لأن الحمد لله وبفضله عليا نزلت الأغاني الخاصة بيا ونجحت بالأضافة لأغنيتي مع أحمد”.
كان الفنان رامي جمال، قد قدم مع أحمد سالم أغنية “البطة السودا”، من فيلم “شلبي”، كلمات منة عدلي القيعي، ألحان إيهاب عبد الواحد، توزيع أحمد طارق يحيى، ميكس وماستر عمار خاطر.