أحمد مراد: "الزهق" جعلني أتجه لعالم الكتابة
دنيا شمعة
قال الكاتب أحمد مراد، إن نقطة التحول في حياته والتي جعلته يتجه للكتابة، كانت إحساسه بالملل من رتابة حياته العادية.
تابع “مراد” خلال لقائه مع الإعلامي معتز الدمرداش في برنامج “ضيفي” عبر قناة “الشرق“: “عاوز الحقيقة؟ زهقت.. لما تلاقي نفسك بتقبض كويس وعندك شغل كويس عندك بيتك وعربيتك يوم الخميس بتلعب بلاي ستيشن وبتسافر الساحل، كل حاجة شكلها تمام بس أنا مكنتش تمام”.
أضاف: “أخطر حاجة البني آدم بيتعرضلها هي الثبات حتى لو على نجاح، كنت حاسس إن في تجربة وعالم تاني لازم أخوضه.. حسيت إن في خطورة لو كملت في اللي أنا بعمله”.
في سياق منفصل، أثنى الكاتب أحمد مراد، على ذكاء الفنان كريم عبدالعزيز، ومحافظته على تصاعد نجوميته على مدار سنوات عمله في مجال التمثيل، مؤكدًا أنه من أذكى الفنانين في مصر، من وجهة نظره.
وعلق “مراد” في لقاء مع برنامج “ArabWood”، في كواليس العرض الخاص لفيلم “بيت الروبي”، بطولة كريم عبدالعزيز وكريم محمود عبدالعزيز ونور وتارا عماد: “كريم بالنسبالي من أكثر الوجوه الذكية في مجال التمثيل في مصر، وأكثر الوجوه اللي قادرة على الاستمرار بطريقة فيها بناء لفوق، لأن نجوم كتير مبيقدروش يحافظوا على هذا المستوى، وهو بيمتلك ذكاء اجتماعي ممتاز كمان”.