عايدة رياض تكشف أسباب انفصالها عن محرم فؤاد

عايدة رياض

كشفت الفنانة عايدة رياض، عن أسباب انفصالها عن الفنان الراحل محرم فؤاد، موضحة أنه كان زوج مصري عظيم، كبقية المصريين، لافتة إلى أن أحد أسباب انفصالهم هو عدم شعورها بالأمان.

أضافت “رياض” خلال لقائها في برنامج “واحد من الناس” مع الإعلامي عمرو الليثي، المذاع عبر شاشة “الحياة“: “أنا مخلفتش ومكنتش رافضة الخلفة، وهو كان مخلف بس مخلف بالعافية، وكنت أروح للدكتور وأقول له روح للدكتور كان بيرفض.. هو إنسان وفنان عظيم ورجل بيت وزوج مصري”.

نرشح لك: ماندو العدل يعلن بدء تصوير أحدث أفلامه “حدوتة الأيام الباقية”

أشارت: “مع العشرة اصطدمت بشوية حاجات وأنا كنت صغيرة، كنت بحس بعدم الأمان، وكان في اختلاف في الديانة لكن ده مكنش بيشكل مشكلة، لكن أنت قاعد مع حد من عشرتك معاه حسيت أن لو بعد 20 سنة هذا الرجل قال لي باي باي”.

أردفت: “حتى البيت اللي أنا قاعدة فيه إيجار، ممكن عشان ديانتي يجي ابنك يقولي مع السلامة، معندكش حتى مكان ليك، أنا كنت صغيرة وبقول يا هادي، أنا أول ما اتجوزت مشتغلتش خالص، جه لي فيلم (الغول) بعد ما اتجوزت بشهر الأستاذ عادل إمام بعته على البيت أنا مشوفتش مين اللي جه مشاهم”.

أما عن أسباب رفض محرم فؤاد عملها في التمثيل قالت: “فرق السن، ولأنه راجل غيور أوي وبيحبني أوي وخايف عليا، لكن أنا اصطدمت بكذا حاجة شخصية معاه”.