بعد تعرضها لعضة أسد.. مادلين طبر: مكنتش عارفة إنه هيحبني
تحدثت الفنانة مادلين طبر عن تعرضها لعضة أسد، خلال تصوير برنامجها “قعدة مع مادلين” واستضافتها مدرب الأسود محمد الحلو.
قالت “مادلين” خلال مداخلة هاتفية مع الإعلامي تامر أمين في برنامج “آخر النهار”، إنها تعودت على التقرب من كل أنواع الحيوانات، لذلك خلال تصويرها الحلقة مع محمد الحلو لذا حاولت احتضان الشبل الصغير، مضيفة: “مكنتش عارفة انه هيحبني أوي كده لدرجة انه خدني بالحضن”.
نرشح لك: كامل الوزير: لا زيادة في أسعار وسائل النقل
أردفت: “أنا غلطت بس إن بعد ما حضني طبطبت عليه والأسد ده عمر ما حد حضنه ولا طبطب عليه، وقعدته في حجري بعدها وأنا بقدم الحلقة ولسه بكمل كلام لقيته بيعض”.
استطردت: “أنا كان عندي ثبات انفعالي لما حصل كده وكملت الحلقة، المدرب هو اللي اتخض من اللي حصل واتذعر، وهو مكانش عاوز يأذيني.. لأنه لو عاوز يأذيني كان خد حتة من لحمي”.
وأكدت أنها تلقت العلاج المناسب بعدها، ومازالت تتلقى المصل اللازم لمثل هذه الحالات، لكنها لم تتعرض لأذى فعلي.