عايدة رياض: لست نادمة على أدواري الجريئة

تحدثت الفنانة عايدة رياض عن موقفها من أدوارها الجريئة، مؤكدة أنها ليست نادمة على أفلام المقاولات والأدوار الجريئة التي جسدتها.

تابعت”رياض” خلال لقائها مع الإعلامي عمرو الليثي في برنامج “واحد من الناس“، المذاع عبر شاشة الحياة: “لست نادمة على أفلام المقاولات والأدوار الجريئة اللي جسدتها، أنا كنت بعمل كل حاجة في وقتها وأنا مبسوطة وبحب شغلي، كان نفسي في يوم من الأيام أعمل أفلام استعراضية زي نعيمة عاكف وتحية كاريوكا”.

نرشح لك: “عملت خطوبتي من محرم فؤاد غيظ”.. عايدة رياض توضح

كما تحدثت عن ذكريات فترة إصابتها بسرطان المثانة، موضحة أنها كانت من أصعب فترات حياتها لكنها بالرغم من ذلك لم تفضل الإعلان عن مرضها.

قالت: “جالي سرطان في المثانة وكنت مصدومة طبعا لما عرفت، و معرفتش أي حد طول فترة علاجي غير أخويا، الدكتور وقتها طلب مني ألبس باروكة عشان شعري اللي بيقع ميبانش بسبب الكيماوي، محبتش أقول لأي حد ولا أتكلم عن مرضي هو ربنا بس اللي كنت بكلمه”.

أضافت: “الممرضات كانوا بيقولوا لبعض إنى جوه، وكانوا يستأذنونى إن زملائهم عاوزين يشوفوني.. كنت أشيل محلول الكيماوى وأطلع أقابلهم”.

أردفت: “الدكتور بعد ما خلصت الجلسات وعملت مسح ذري وطلع سليم الحمد لله، طلب مني انى أشيل المثانة وأركب مثانة صناعية، استخرت الله وقولت يا رب انت شفتنى وأنا متوكلة عليك، وقولت للدكتور مش هعملها”.