حسن شاكوش يطمئن الجمهور: أنا في بيتي مع أهلي
تحدث مطرب المهرجانات حسن شاكوش عن الأخبار المتداولة عن القبض عليه بسبب تعديه على زوجته ريم طارق أثناء تنفيذ قرار تمكينها من مسكن الزوجية.
ظهر “شاكوش” في بث مباشر من داخل منزله مشيرا إلى أن أهله ووالدته وأخواته في زيارة لديه بالمنزل وأنه سعيد بذلك حيث إنهم لا يأتون كثيرا، قائلا: “أنا في البيت أهو وأهلي منورني”.
نرشح لك: تعليق حسن شاكوش على ترند “عبستك إزاي وانتي مش بستاني”
وطمأن الجمهور أنه لا يوجد مشاكل وسيحيي حفلا مساء اليوم، مطالبا الصحفيين بالتأكد من صحة المعلومات قبل نشر الأخبار.
استكمل: “الواحد ولا بيئه ولا تربيته أنه هو يبهدل بنات الناس أو يجرحهم بأي كلمة وحشة، أنتوا عارفين البنت أي كلمة ولو بصيتلها بصة وحشة ممكن توجعها وأنا اتربيت على احترام بنات الناس لكن الأسلوب اللي ييتقال عليا علشان يتشهر بيا وشكلي يبقى وحش قدام جمهوري والناس اللي بتحبني”.
كانت ريم طارق، زوجة حسن شاكوش قد ظهرت في بث مباشر عبر حسابها الشخصي على موقع تبادل الصور والفيديوهات إنستجرام، من أمام فيلا مسكن الزوجية.
قالت إنها حصلت على قرار تمكين للفيلا، مشيرة إلى أن حسن شاكوش تعدى عليها بالسب والشتم، مضيفة: “معايا قرار تمكين من جهات التحقيق، ومش عارفة أتمكن من الفيلا وأخوه وابن أخته قاعدين، ومنتظرين من 4 ساعات ومش عارفين ندخل”.
استكملت: “مش عارفة آخد هدومي لأنه مستولي عليهم وأنا ماقلتش سبب المشاكل وماعملتش حاجة غير إني جاية آخد هدومي لأني كنت ممنوعة من الدخول، وهو بيشتمني قدام الناس وبهدلني، ده المكان اللي ساكنين فيه وقاعدين فيه لوحدنا وهو جاب أهله وأنا مش معايا حد من أهلي، ورفعت قضية باللي حصل بيني وبين حسن شاكوش ومش هتكلم في اللي حصل لأنه حاجة كبيرة ما ينفعش تتقال”.