فيفي عبده ترد على منتقدي نشرها فيديوهات رقص

ردت الفنانة فيفي عبده، على منتقدي نشرها فيديوهات رقص عبر حساباتها الرسمية على مواقع التواصل الاجتماعي، مؤكدة على أنها ترى الرقص بالنسبة لها بمثابة الأكسجين.

أضافت “عبده” خلال لقائها ببرنامج “ET بالعربي“: “لو عندي 90 سنة وقادرة أعمل اللي أنا بعمله هعمله، ليه أقعد في البيت؟ ليه تمنع عني الأكسجين؟ أنا بحب الرقص جدا جدا، أقلية اللي بيقولوا الكلام ده واللي حاقدين عليا، لكن الناس اللي بتحبني بيحبوني في كل حالاتي”.

أما عن فيديو إنذار الحريق الذي كانت قد نشرته من قبل فقالت إنها تفاجئت بذلك، والمكان الذي كانت متواجدة فيه كان قد أرسل لها جواب بذلك ولكنها لم تقرأه لأنه باللغة الإنجليزية.

نرشح لك: يسبب الحرائق.. خبير يحذر من خطورة شاحن الهاتف المحمول

أردفت: “أنا كنت نايمة وفجأة قالوا اخلوا المكان فقمت أجري بالبيجامة مش شايفة قدامي، وأنادي على بنتي عشان نجري هي كانت عارفة وجاية كأن مفيش أي حاجة، طبعا شتمتها عشان مقالتليش، أنا لقيت الورق تحت الباب بس مفهمتش إيه ده لأن كله إنجليزي وأنا في الإنجليزي بتكلمه كده لكن مش قراية”.

في سياق متصل كانت قد كشفت الفنانة فيفي عبده، أزمتها الصحية الأخيرة، مؤكدة على أنها تعرضت الحسد كثيرا من قبل الجمهور.

قالت “عبده” خلال لقائها ببرنامج “ET بالعربي“، إنها امتثلت للشفاء بعد عمليتها الأخيرة، مردفة: “وأنا داخلة أعمل العملية قلت لربنا لو أنا قمت من العملية كويسة لازم أروح حفل ملكة جمال الجنوب بلبنان”.

أما عن ما حدث لها قبل العملية فقالت: “فجأة الغضروف قفل على العصب وبدأت رجلي تبقى تقيلة ومش قادرة أمشي، وفضلوا يدوروا على عروق مش لاقيين، ولقوا مشكلة في القلب”.

كما علقت على فيديو سقوطها في حفل لبنان، مشيرة إلى أنها تعرضت للحسد وهناك من قام بعمل سحرا لها، مكملة: “بقول لجمهوري ارحموني من الحسد، لأنه بقى بزيادة معايا، وأنا تعبت، ومش عايزة التعاطف من الناس.. وكمان أنا معمولي عمل متحركش من السرير، لو أعرف مين عامله أبوس رجلك فكهولي عشان حرام عليك”.