أحمد مراد: لازم الإنسان يبقى في حالة شك وتذبذب

وجه الكاتب أحمد مراد، عدة نصائح إلى جمهوره ومتابعيه، تتعلق بطريقة التفكير. مؤكدا على أنه يفكر بشكل كبير وتأخذه أفكاره إلى مناطق بعيدة.

قال “مراد” خلال برنامج “التوليفة”، المذاع عبر “نجوم إف إم”: “بعتز بالبرنامج اللي بقالنا فيه 3 سنين، واتكلمنا فيه في حاجات مثيرة للجدل وأفكار ممكن تكون بتشق الصف بشكل كبير على جميع الأصعدة، لكنه أثار أيضا نوع من أنواع التفكير.. مش لازم كل حاجة الناس تبقى موافقة عليها ومبسوطة منها ومتفقة، المهم نفكر لأن التفكير أفضل حاجة”.

نرشح لك: يعرض في يونيو.. مشوار “كيرة والجن” من رواية أحمد مراد إلى السينمات

تابع: “فكرة الشك والتذبذب هي دي الحالة الحقيقية اللي لازم نفضل فيها على طول، لأن الإنسان إذا استقر وخلاص قال أنا تمام، بدأ أول طريق الركود والحمار، وكل حاجة بتخليه يقعد”.

أردف: “بضحك لما حد يقول مبادئي متغيرتش من وأنا صغير وأحلامي، مبادئ الحياة دايما تتغير من يوم ليوم، أهم حاجة بتغير هي الألم، ولو متعلمش من الألم بيتعلم من القراءة فخلونا نقرأ، ونفترض أن الحياة لذيذة ومش لازم اتألم”.

في سياق آخر، كان الكاتب أحمد مراد، قال إن نقطة التحول في حياته والتي جعلته يتجه للكتابة، كانت إحساسه بالملل من رتابة حياته العادية.

تابع “مراد” خلال لقائه مع الإعلامي معتز الدمرداش في برنامج “ضيفي” عبر قناة “الشرق“: “عاوز الحقيقة؟ زهقت.. لما تلاقي نفسك بتقبض كويس وعندك شغل كويس عندك بيتك وعربيتك يوم الخميس بتلعب بلاي ستيشن وبتسافر الساحل، كل حاجة شكلها تمام بس أنا مكنتش تمام”.

أضاف: “أخطر حاجة البني آدم بيتعرضلها هي الثبات حتى لو على نجاح، كنت حاسس إن في تجربة وعالم تاني لازم أخوضه.. حسيت إن في خطورة لو كملت في اللي أنا بعمله”.