"ابني نفسك".. نصيحة أحمد عز لـ محمد أنور

قال الفنان محمد أنور، إنه أخذ بنصيحة الفنان أحمد عز، بأن يمارس الرياضة ويذهب إلى صالة الألعاب الرياضية حتى حتى يتمكن من تقديم أدوار الأكشن.

قال “أنور” خلال لقائه في “راديو الرابعة“: “أحمد عز بيقولي دايما أنت تقدر تعمل اللي أنا بعمله، بس حط نفسك في المكان ده وخلي المنتجين يشوفك بالشكل ده، وقالي أنت لازم تبني نفسك وتخليه هو اللي يتفاجئ بيك، وده اللي بدأت أعمله”.

أما عن الشخصية التي يقدمها في فيلم “مستر إكس” قال: “بعمل شخصية أدهم وهو شخص عدائي أوي ضد الستات وبيكرههم جدا، وهو الدراع اليمين لمستر إكس، وهو أكتر واحد مش عايز يتعاطف مع الستات مهما حصل”.

أردف: “فيلم (مستر إكس) تعبت فيه جدا على مستوى الشكل، أنا قعدت 8 شهور أو سنة عشان الناس تصدقني في الفيلم، تصدق أن ده واحد ممكن يخافوا منه، في (البعبع) أنا اتولع فيا واتخبط بعربية، وكل ده أنا عملته بجد”.

فيلم “مستر إكس” بطولة أحمد فهمي، هنا الزاهد، أوس أوس، بيومي فؤاد، أمير شاهين، محمد أنور، رحاب الجمل، محمود حافظ، وتأليف أحمد عبد الوهاب وأمجد الشرقاوي، وإخراج أحمد عبد الوهاب، وإنتاج أحمد السبكي، وتدور أحداثه في إطار كوميدي رومانسي.