راقصة كانت تغويه.. كيف حافظت ميمي جمال على زواجها من حسن مصطفى؟
كشفت الفنانة ميمي جمال عن طريقة تعاملها حيال محاولة إحدى الرقصات الإيقاع بزوجها الراحل الفنان حسن مصطفى، أثناء عمله في إحدى الأعمال الفنية.
قالت “جمال” خلال حوارها مع الإعلامية منى الشاذلي في برنامج “معكم” المذاع عبر شاشة “cbc”،: “الراجل قاعد في أوضته بيعمل مكياج وبيظبط شعره ودي تيجي من وراه وتحط إيديها على كتفه وتقوله شايف “المانكير” اللي أنا حطاه حطيت حروف اسمك”، مضيفة أنها تلقت اتصال من أحد العاملين معه والذي أخبرها بحقيقة الأمر، مؤكدة أنها كانت تقدم إحدى المسرحيات بالقاهرة وزوجها يعمل بالإسكندرية.
نرشح لك: ميمي جمال: مثلت دور سهير البابلي في “مدرسة المشاغبين” 15 يوماً
أِشارت :”قالولي ياريت تيجي، لأن في واحدة عماله تلف على الأستاذ والنهاردة قالت له تعالى وصلني، فتعالي شوفي الحكاية.. أنا زعلت لأن كل حاجة في الدنيا أنا بعملها وإحنا حلوين فاتغظت”.
تابعت أنها سافرت إلى الإسكندرية وذهبت إلى بناتها ووالدتها إلى منزلهم وانتظرته حتى عاد وسألته عن حقيقة الأمر وأنكر في البداية، ثم صرح لها أنه أوصل هذه الفتاة مرة واحدة، مضيفة أنها قالت له : “عيب وإحنا مش صغيرين وأنا نازلة مصر عشان عندي شغلي.. والمركب دي مش هتغرق عشان أنا وأنت مخلفين أولاد وأنا ست عاقلة ومش هتكلم، بس أرجو أنك تحط ده في دماغك وما يتكررش”.
في سياق آخر، تحدثت الفنانة القديرة ميمي جمال عن فترة توقفها عن التمثيل، موضحة أنها ابتعدت بعد وفاة زوجها الفنان حسن مصطفى في عام 2015، الذي تأثرت كثيراً بوفاته.
أضافت خلال حوارها مع الإعلامية منى الشاذلي في برنامج “معكم منى الشاذلي”، على قناة cbc، أنها بعد وفاة زوجها وجدت نفسها غير قادرة على العمل، ولم تستطع الخروج من حالة الحزن التي شعرت بها لرحيله.
وتابعت: “مكنتش قادرة اشتغل، قعدت 5 أو 6 سنين في البيت، وبيجيلي أعمال وأرفضها.. في ناس بتقدر تقوم من حزنها وتكمل بس أنا وقتها مقدرتش.. ده إحنا فضلنا عايشين مع بعض عمر بحاله، قعدنا حاجة وأربعين سنة مع بعض.. ومكنش في غيره في حياتي ومتجوزتش غيره”.
وواصلت ميمي جمال: “وبعد العمر ده فجأة يبعد عني وميبقاش موجود معايا.. كانت فترة صعبة.. بعدها قلت مش عايزة اشتغل أنا عندي بنتين وأنا معاهم لحد ما افوق. بس الفوقان ده اتأخر شوية، جه بعد 5 سنين من وفاته، لأن لقيت بناتي اتجوزوا وخلفوا وانا قاعدة لوحدي في البيت.. فرجعت للتمثيل”.