حسين حجاج: هاني رمزي سبب حصولي على دوري في "صعيدي بالجامعة الأمريكية"
أمنية محمد
كشف الفنان حسين حجاج عن تفاصيل بدايته ودخوله لـ عالم الفن، موضحا أنها كانت صدفة.
قال “حجاج” خلال لقائه في برنامج “المنسي” الذي تقدمه الإعلامية إنچي هشام، والمُذاع علي شاشة “هي“: “كان في مندوب من برنامج (صباح الخير يا مصر) عند محامي اعرفه، وقال في لقاء حلو عشان عمي حسين في التلفزيون وكده، كان أول بث مباشر لقناة الصعيد تقريبا سنة 1998، وكان مقدمي البرنامج هالة فؤاد وعلاء بسيوني”.
نرشح لك: محمد أنور: عرضت علي أدوار بطولة ورفضتها
أضاف: “أنا مكانش في دماغي بقى، ولكن روحت، وكان أول لقاء ليا واستمر تلت ساعة علي الهوا، وكان لقاء شيق جدا والناس أعجبوا بيه جدا والناس شافته”.
أردف: “بعدها كلمني ابن عم الأستاذ هاني رمزي كلمني وقالي تيجي معايا وروحت وقابلناه، والراجل مشكور قابلني كويس جدا”.
استطرد: “الأستاذ هاني رمزي بعدها قالي هاخدك معايا في فيلم صعيدي في الجامعة الأمريكية، وهتشتغل إن شاء الله وروحت معاه للمخرج الأستاذ سعيد حامد، وكان الفيلم خلص منه 80%، لكن لما شافني قال الله ده حلو ومجبتوش من زمان ليه وجابلي المشهد بتاع الكاست ده”.