"محتاج إعادة نظر".. أسامة منير ينتقد الإنترنت في مصر
انتقد الإعلامي أسامة منير، الإنترنت في مصر، موضحا أن الإنترنت في مصر غير سريع أو ثابت على عكس جميع دول العالم، لافتا إلى أنه يحتاج إلى إعادة نظر من شركات الاتصالات.
أضاف “منير” خلال مقطع فيديو نشره عبر حسابه الرسمي على موقع الصور والفيديوهات “إنستجرام“: “الإنترنت في مصر غير الإنترنت في كل مكان في العالم، في أي مكان في العالم الإنترنت ثابت سريع قوي الإنترنت في مصر مش ثابت ولا سريع ولا قوي”.
أوضح: “لما يكون طالب داخل يقدم المواد بتاعت الترم الجاي وقاعد مجهز كل حاجة وميتني التقديم يفتح يلاقي الإنترنت قطع ومستقبله والترم ضاع منه بسبب انترنت اتهز”.
أشار: “في كل مكان في العالم الإنترنت بلا حدود، معمول باقات فقط للناس اللي بتعمل كرت شحن، سرعة الإنترنت خيالية، الشركات في كل مكان في العالم بتعتمد على الإنترنت، لما يكون عندك شركة في 4 خطوط إنترنت ومش ثابتين والموظفين بيشتكوا من الإنترنت يبقى فيه مشكلة كبيرة”.
أردف: “لما تكون شاري أكبر باقة إنترنت في تابيت وتخلص في 15 يوم يبقى في مشكلة كبيرة.. الإنترنت في مصر محتاج إعادة نظر تاني، شركات الاتصالات بتغرف فلوس باللبلدوزر كل ساعة، الفلوس دي بتعملوا بيها إيه هل بتساهموا في سداد ديون مصر”.
View this post on Instagram
