الناس هتضحك من قلبها بجد.. "أوس أوس" يتحدث عن "مستر إكس"
كشف الفنان محمد أسامة أوس أوس، كواليس تصوير فيلم “مستر إكس”، موضحا أنهم كانوا يعملون على الفيلم قبل تصويره بعام.
قال “أوس أوس” خلال مداخلة هاتفية في برنامج “كلاكيت” المذاع عبر راديو “نجوم إف إم”: “لسه طالعين حالا من العرض الخاص من الرياض الحمد لله الناس بتضحك من قلبها واتبسطت، اللي مضايق اتبسط وكل اللي زعلان فرح”.
نرشح لك: طرح البوستر التشويقي لفيلم “بلوموندو” لـ حسن الرداد
أشار: “إحنا قعدنا سنة شغالين على الورق مع بعض، على كل مشهد وبنغيب شوية وبنرجع نقعد تاني، لحد ما جينا نصور الفيلم، خلاص إحنا مش بنعدل ولا بنعمل حاجة، كل اللي في الفيلم مكتوب على الورق، وده فادنا جدا، الحمد كلنا كنا شايفين أن الناس هتضحك من قلبها بجد”.
أوضح: “الواحد لما يكون بيصور فيلم وبيسافر، ده بيخليه يمثل بشكل أحلى بكتير بيبقى مستمتع وفي نفس الوقت بيخش جوا الشخصية أوي، مع الشخصية اللي أنت عاملها بتلاقي جو وشعب مختلف وده بيزود الضحك”.
أردف: “كل المشاهد طريقة تمثيلها تضحك لوحدها، أول مرة يبقى معانا سيناريو مكتوب بكل حاجة، لو في ورق مكتوب هنعرف نطلع بشكل أحسن وده اللي حصل معانا في (مستر إكس)”.
فيلم “مستر إكس” بطولة أحمد فهمي، هنا الزاهد، أوس أوس، بيومي فؤاد، أمير شاهين، محمد أنور، رحاب الجمل، محمود حافظ، وتأليف أحمد عبد الوهاب وأمجد الشرقاوي، وإخراج أحمد عبد الوهاب، وإنتاج أحمد السبكي، وتدور أحداثه في إطار كوميدي رومانسي.