آسر ياسين يتحدث عن مشاركته في فيلم "شماريخ"
أمنية محمد آسر ياسين
كشف الفنان آسر ياسين، كواليس آخر أعماله فيلم” شماريخ”.
قال “ياسين” خلال لقائه مع برنامج “it’s showtime“: “الفيلم مالوش علاقة بالكورة عشان ناس كتير فهمت من اسمه أنه كده، وهو قصة واحد بيحاول عايز يتوب، ويخلص من اللي هو فيه، ونفسه يطهر نفسه من كل اللي عمله قبل كده”.
نرشح لك: آسر ياسين يوضح حقيقة إصابته في فيلم “شماريخ”
فيما لفت أن الفيلم به مشاهد أكشن كثيرة جداً بالإضافة للدراما، معبرًا عن سعادته بكون الفيلم العمل الأخير للفنان الراحل مصطفى درويش.
أضاف: “فكرة الفيلم مختلفة خالص، حتي كان اسمه أكبر الكبائر وكان قصة تانية خالص، ويمكن بعدها لما قعدنا انا وعمرو وابتدا يحكي في قصة تانية خالص، فقلت له طب ما دي أحلي”.
أكمل: “لغاية ما عمرو قال خلاص هكتب الفيلم وهسلمه لك في أغسطس، أغسطس 2022 يعني، بس بقت حاجة تانية خالص وبقت أحلى وشخصيات أنضج، واحنا بنتكلم فيلم قابل للاشتعال”.
“شماريخ” من تأليف وإخراج عمرو سلامة والفيلم يدور في إطار درامي تشويقي أكشن، ويشارك فى بطولته، خالد الصاوي، أدهم الشرقاوي، سالي حماد، محمد ثروت، مصطفي درويش والعديد من ضيوف الشرف.