كريم السبكي للإبراشي: الشتيمة مش ليك
بعد أن هاجم المنتج أحمد السبكي الإعلامي وائل الإبراشي، وسبه بألفاظ خارجة، أثناء مداخلته هو والمخرج كريم السبكي في برنامج “العاشرة مساءً”، ما دعى الإبراشي لقطع الاتصال على الهواء، عاود كريم الاتصال قائلًا: “الصوت اللي خرج ده مش موجه لحد عندك، ده صوت في الخلفية، واتسمع عندك في البرنامج”.
وانفعل الإبراشي قائلًا له: “هنلعب استغماية يعني؟ لما إنت لا تستطيع أن تسيطر على لسانك إنت وأسرتك، كيف ستسيطر على الفن؟ لفظ إيه اللي جاى من الخلفية، ده كورال؟ إنت متخيل إن الناس مش فاهمة؟”.
وتابع الإبراشي: “بعد ما شتمتوني، عايز توهمني أنه ده واحد معدي، إنت قلت لفظ على الشاشة لازم تتسائل وتتحاسب عليه”، ليرد “كريم”: “أنا مش فاهم إنت بتتكلم على إيه”.