خالد الجندي: كفار قريش كان عندهم أخلاق

قال الشيخ خالد الجندي، إن مجتمع كفار قريش كان به العديد من العيوب، فقد كانوا يأكلون مال اليتيم، ويضربون النساء، ويشربون الخمر، ويعبدون الأصنام، ولكن كان كان لديهم أخلاقيات.

أشار “الجندي” خلال حلقة اليوم من برنامج “لعلهم يفقهون” المذاع عبر شاشة “dmc”: “الشخصية المزدوجة دي حاجة تجنن، وفي نفس الوقت عندهم نجدة المظلوم ميرضوش أن واحد يتظلم حتى لو كانوا مختلفين معاه، لدرجة أن النبي صلى الله عليه وسلم لما منع من دخول مكة استجار بواحد من الكفار الراجل الكافر ده قال إني أجرت محمدا ودخل النبي صلى الله عليه وسلم في حمايته”.

نرشح لك: خالد الجندي: الهجرة حاليا هي ترك المعاصي والخرافات

أوضح: “عم النبي صلى الله عليه وسلم مش حماه ورفض حد يقرب منه، النبي اتأذى إيذاء شديد جدا بوفاة عمه، وأم المؤمنين خديجة.. اشتداد الصراع بين أهل مكة وبين النبي مخلهمش يتبلوا عليه مجاش أبو لهب وقال لهم سيبكم منه ده بتاع نسوان أو حرامي أو بياكل الفلوس”.

أردف: “هو يرفض آه، لكن يكذب ويقول زي ما بيحصل النهاردة لا، تختلف مع واحد يطلعوك بتاع نسوان ومرتشي وحرامي وفاجر.. أنت محتاج تفهم ابنك أن الأخلاق ضرورة إنسانية قبل ما تكون دينية، علموا ولادكم الصح والغلط زي ما بتعلموهم الحلال والحرام”.

تابع: “المجتمع الجاهلي ده كان بيعتز بالرجل كرجل والمرأة كمرأة، النهاردة إحنا عندنا رجالة لبست قمصان نوم، رجالة لبست حلق.. ده إحنا شايفين أيام ما يعلم بيها إلا ربنا، الكفار اللي كان بيعاملهم النبي كانوا رجالة”.