علا رامي: "الناس فرقت بيني وبين أبو الليف"
كشفت الفنانة علا رامي، عن أنها تعرضت للخيانة على يد أحد أزواجها، وذلك بسبب تدخل إحدى السيدات والتي كانت تريد أن تكون في علاقة مع زوجها.
قالت علا رامي خلال لقائها مع برنامج “قعدة ستات” الذي تقدمه الإعلامية مروة صبري على شاشة “القاهرة اليوم”: “أيوه اتخانت.. وواحدة كلمته وهو متجوزني وقالها أنا متجوز قالت لأ هاجي واعملك مشاكل ويعني ايه تتجوز وتسبني”.
نرشح لك: مروة صبري تهاجم عارفة عبد الرسول بسبب “زرار البنطلون”: أحفادك يقولوا إيه؟
تابعت: “انسحبت بكل هدوء ومش بدخل في معارك.. حسيت ان ده موقف مش حلو، ويعني إيه يسمحلها تيجي بيتي”.
في سياق آخر، تحدثت الفنانة علا رامي عن علاقتها بطليقها الفنان نادر أبو الليف، وسبب انفصالها عنه بعد قصة حبهما الشهيرة.
قالت “رامي” إنها انفصلت عن نادر أبو الليف بسبب الجمهور، متابعة: “الناس فرقت ما بينا، عشان شايفنا مش شبه بعض.. الناس كانت بتقول إحنا بنحبك لوحدك وبنحب أبو الليف لوحده، مش السوشيال ميديا هي اللي اتحكمت إذا كنا نكمل ولا لأ.. إحنا سيبنا بعض عشان في تراكمات كتير حاجات بسيطة على حاجات بسيطة فبقت مشكلة كبيرة، فقولنا كل واحد يروح لحالة أحسن”.
استكملت علا رامي حديثها: “بنسأل على بعض لغايه دلوقتي وبنتكلم، وباركتله على جوازه وأطفاله.. وربنا يوفقه في حياته، مقدرناش نستمر مع بعض لظروف كتير”.
أشارت إلى أن العلاقة بينها وبين أبو الليف انتهت وهما الآن أصدقاء فقط، مضيفة: “بدي فرصة واتنين وتلاتة وعشرة.. لغاية ما خلاص وبقلب الترابيزه وبكون استنفذت كل وسائل الصلح، وكان ظاهر قدام الناس إني بغير عليه، ولكن الحقيقة مكنتش كده، هو كان لسه صاعد وعنده حفلات، وفي الآخر ربنا يوفقه”.
برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.