فاروق فلوكس يحكي موقف أغضبه من فؤاد المهندس
كشف الفنان فاروق فلوكس، عن تفاصيل موقف أغضبه من الفنان الراحل فؤاد المهندس.
حكى “فلوكس” خلال لقائه ببرنامج “القاهرة اليوم” مع الإعلامية نانسي مجدي المذاع عبر قناة “اليوم”: “فؤاد المهندس ده حالة خاصة بالنسبالي لغاية ما توفاه الله، كنت بحبه رغم المواقف الكتير اللي عملها معايا مش حلوة”.
نرشح لك: فاروق فلوكس عن نجله أحمد: “ابتدى يفوق ويصلي”
أضاف: “مواقف كتير بس أنا هقولك واحد منهم .. كنت بشتغل في فرقة الريحاني بعمل رواية وبمثل بقالي سنتين الرواية والدنيا حلوة قوي.. جه قالي أنا هعمل رواية أنا وأنت وعوض وشويكار.. وقالي خلص روايتك آخر أغسطس و 1 سبتمبر هتكون معايا”.
استكمل: “قولتله ازاي أسيب المسرحية دي؟ قالي هو كده أنا أستاذك وبقولك.. وسيبت مسرح الريحاني وروحت عنده بناء على إتفاق إن أجري هيكون رقم معين.. بعدها المؤلف تقاعس ومعملش الرواية أنا ماليش ذنب، أنت شيلتني من الفرقة وحاطتني عندك يبقى تديني مرتبي”.
أردف : “إداني شهر واحد بس والشهر التاني صلاح يسري كان قاعد بقوله فين أجري؟ إداني ضهره.. مدرتش بنفسي بقى وقولت لأستاذ فؤاد قالي ماليش دعوة.. وطبعا أي حد مكاني كان هيزعل زعل الدنيا”.