عمرو مصطفى: أنا نرجسي ومغرور.. بس مش منافق

عمرو مصطفى

رد المطرب والملحن عمرو مصطفى على الاتهامات والانتقادات التي توجه إليه بأنه شخص نرجسي ومغرور، مثلما وصفه الفنان رامي جمال في حواره التلفزيوني الأخير.

وكتب عمرو عبر حسابه على فيس بوك: “أنا نرجسي، أنا مغرور، أنا منفصل عن زمايلي وفي حالي ومش بكلم حد في الوسط.. ارتاحوا بقى وبطلوا تذكروا اسمي في كل مكان، اقعدوا اعملوا لجان في كل حته تطلع تشتمني وبرامج مخصوص لمهاجمتي”.

نرشح لك: رامي جمال: أصيبت بالبهاق والسكر بسبب الحزن

وتابع: “كل ده لأني لازم أكون منافق وأشكر في ناس منافقة عشان صورتي تكون كويسة قدام الناس.. طيب أنا عايز صورتي تكون وحشة ارتاحوا بقى”.

وأكد عمرو مصطفى أنه إذا زُج باسمه مرة أخرى في تصريحات تلفزيونية، سيتخذ إجراءات قانونية ضد الشخص الذي تحدث عنه.

وكتب: “هو أنا أترككم تتعدوا بشكل غير قانوني على ألحاني يعني، ولحن تم غنائه في برنامج على الهواء خدته وعملت منه أغنية، وصورتها وفي الآخر طالع تقول عليا نرجسي نحن في زمن يصدق فيه الكاذب ويكذب فيه الصادق”.

وأضاف: “أقسم بالله لو شوفتك في أي مكان أنت وأشكالك لن تجدوا مني غير نظرة احتقار، وأوعى تجري تسلم عليا زي ما عملت قبل كده، علشان ههزائك، وأوعي تجيب اسمي تاني في مكان علشان هقاضيك انت وكل إلى شبهك مطربي الدرجة الخامسة.. زمن الرويبضة”.

وكان رامي جمال قد خلال لقائه ببرنامج “حبر سري”، مع الإعلامية أسما إبراهيم، للتعليق على تصريح سابق لعمرو مصطفى قال فيه “أنا المبدع”، وقال رامي: “مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كده مكانش هيبقى قاعد يتكلم إنه ملحن شاطر”.

وتابع: “في الحقيقة في نوع من النرجسية، أنا مش بحبه.. وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن”.