رامي جمال: عندي مشكلة في الإنجاب.. لكن راضي
تحدث الفنان رامي جمال لأول مرة عن وجود مشكلة صحية تمنعه من الإنجاب، موضحاً أن الأمر كان يشغله في البداية، لكنه الآن راضي جداً ولا ينزعج منه.
أضاف رامي خلال حواره مع الإعلامية أسما إبراهيم في برنامج “حبر سري” على قناة القاهرة والناس، أنه يعتبر أولاد شقيقه بمثابة أولاده، قائلا: “عندي مشكلة في الإنجاب، أكيد نفسي يبقى عندي طفل، بس من نعم ربنا إنه بيرضيني بكل حاجة، فبشوف ولاد أحمد أخويا ولادي، ومبقتش أفكر في الموضوع”.
نرشح لك: رامي جمال: تامر حسني فنان شاطر لكنه مش رقم واحد
تابع: “اللي كنت بخاف عليه ناريمان إنها تكون مأذية في القصة دي وقلتهالها في مرة إنه يا بنتي إحنا عايشين الحياة مرة واحدة، فمفيش وقت تعملي جدعة وتضيعي على نفسك حلم الأمومة، وعمري ما هشوفك قليلة أصل لو مشيتي، فقالت لي كل أنواع الرزق بتيجي لكل شخص لوحده، إلا الخلفة ده رزق مربوط باتنين، لو مكتوب لي يبقى عندي ابن هيبقى منك”.
وأضاف رامي جمال: “أنا راضي باللي ربنا كاتبه، وعارف إن كله خير ما جايز اخلف ويتخطف او يطلع عنده مشكلة .. مفيش حد بياخد كل حاجة.. فيارب أنا راضي والله”.