هل يوجد جزء ثان من "الصفارة"؟ آية سماحة ترد
قالت الفنانة آية سماحة، إنها لم تكن تتوقع ردود الفعل على مسلسل “كامل العدد”، الذي عرض في السباق الرمضاني الماضي، موضحة أنها كانت قلقة من عدم نجاح المسلسل بسبب عرضه على منصة إلكترونية، ولكن حدث العكس.
أضافت “سماحة” خلال برنامج” كلاكيت” المذاع راديو “نجوم إف إم”: “المسلسل كان من أكتر المسلسلات اللي اتشافت واستغربت أنه جاب المشاهدات دي على منصة بس.. الناس كلها كانت حابة المشروع أوي، والأطفال كانوا مبهرين وأنا كنت مبسوطة بشغلي مع كل فريق العمل”.
أما عن وجود جزء ثاني من مسلسل “الصفارة”، كشفت “سماحة”: “ده كلام مش مؤكد بس لو لقينا في فرصة لوحود جزء تاني بالشكل الكويس اللي إحنا عملنا بيه الجزء الأول أكيد أحمد أمين مش هيتأخر في حاجة زي كده”.
أما عن تعاونها عن الفنان أحمد أمين في مسلسل “الصفارة” قالت: “الشغل مع أحمد أمين ممتع جدا، هو بني آدم جميل جدا، فنان محترم وعظيم وبني آدم كمان عظيم، وده يخليكي مرتاحة وتعرفي تشتغلي”.
أردفت: “أنا ارتحت في الكوميدي وكنت مبسوطة لأن دي الحاجات اللي بحب أتفرج عليها كمشاهدة، وخصوصا قبل ما أنام لأني مبحبش النكد خالص.. انا بشتغل مسلسلين دلوقتي ومتحمسة لهم جدا، المسلسلين نوعين مختلفين عن بعض”.