هل يجوز تقسيط الزكاة؟ رمضان عبد المعز يجيب

أمنية محمد تقسيط الزكاة

قال الشيخ رمضان عبد المعز، إنه يجوز تقسيم زكاة رمضان ودفعها مقدماً، إذا لم يقدر على دفعها دُفعة واحدة.

أضاف “عبد المعز” خلال حلقة اليوم من برنامج “خير الكلام”، المذاع علي “نجوم إف إم”، أن الشخص إذا لم يقدر على دفع زكاة رمضان دُفعة واحدة؛ لأنها قد تصل مثلاً إلى 20 ألف جنيه، فيجوز تقسيمها، قائلاً: “يجوز أننا نقسمهم وندفعهم مقدماً وليس مؤخراً”.

نرشح لك: الإفتاء توضح طريقة سداد الزكاة عن الأموال الموجودة في البنوك

أوضح: “مثلاً حسبتي إن زكاتك 20 ألف، فتقسميهم وتدفعيهم مقدماً، يعني عقبال ما يجي رمضان الجاي تكوني دفعتي الزكاة اللي عليكي، لكن مش ينفع رمضان يكون جه وأنا لسه بدفع في زكاة السنة اللي فاتت”.

في نفس السياق، كشف “عبد المعز” عن حكم بيع السلع بالتقسيط موضحا: “بيع تليفونات بالتقسيط ده حلال ويجوز.. وبالنسبة للذهب، أو مثلاً لو عندك أرض ملك وينفع أبني ٢٠ دور لكن الدولة قالت أننا نبني عليها ٧ ادوار بس، فمينفعش أخالف الدولة ليه؟! عشان مثلاً الدولة عاملة حسابها إن المنطقة دي ليها صرف صحي لعدد معين من الناس أو كهرباء لعدد معين، فأنا لما أخالف وأبني أكتر من المسموح ليا، ده غلط لأني كده بظلم وأضر غيري، وكده تكون مخالفة شرعية كمان”.

تابع: “نفس المسألة لما اشتري عملات ريال أو دولار، قامت الناس مخزنة عملة وحصل مشكلة كبيرة، وسحبوا فلوس من البنوك، فتم الضرر من مصلحة الدولة واقتصادها، لأن الناس استخدمته بطريقة غير صحيحة، فجت الدولة منعت ده، فماينفعش أخالف الدولة، لأنه يجوز لولي الأمر تقييد المباح.. والمصلحة العامة تقدم على المصلحة الخاصة”.

تقسيط الزكاة