يسري نصر الله: السينما دخلت في أزمة بعد التخلي عن المغني والراقصة
قال المخرج يسري نصر الله، إن السينما المصرية دخلت في أزمة بعدما تخلى صناعها عن المغني والراقصة، موضحا أن مصر لديها نوع خاص بها في الأفلام فلماذا نخجل منه.
أضاف “نصر الله” خلال لقائه في برنامج “كلمة أخيرة” المذاع عبر شاشة “ON”: “لما بسافر فرنسا الناس هناك بيسألوني عن سامية جمال، وتحية كاريوكا، والأفلام الموسيقية المصرية والرقص، والبهجة اللي كانت موجودة في أفلام ليلى مراد، إحنا عندنا نوع أفلام اتعرفنا بيه، ليه بنتكسف منه”.
نرشح لك: محمد سامي: “جعفر العمدة 2” هيختلف عن الجزء الأول
أشار: “أيام لما كنا في الجامعة ونزل فيلم (خلي بالك من زوزو) كان وقتها لسه فيه الحركة الطلابية، قلنا إن الفيلم ده مبيعبرش عن الطلبة في مصر، ومرة واحدة قفشنا، النهاردة لما بتفرج عليه، بقول إيه العبط اللي إحنا كنا فيه”.
أردف: “إحنا متهزمناش في 67 عشان كان فيه رقص وغنا في الأفلام بتاعتنا، أسباب الكارثة اللي حصلت دي كانت حاجة تانية، ومعالجهاش المد الوهابي، اللي مرة واحدة هجم على مصر”.