يسري نصر الله: السينما خايفة من المجتمع

أمنية محمد

قال المخرج يسري نصر الله، إن السينما المصرية أصبحت خائفة من المجتمع ومن الاتهامات التي قد تكون معرضة لها بسبب عمل ما، وما يحدث من رفع قضايا من بعض الأشخاص مدعين أن السينما تفسد الأخلاق المصرية.

أضاف “نصر الله” خلال لقائه مساء أمس مع الإعلامية لميس الحديدي في برنامج “كلمة أخيرة” المُذاع على شاشة “ON”: “السينما بقت خايفة، آه في حاجة حقيقية بتطلع في الأفلام، حتى في أكتر الأفلام كمان، تتكلم عن الدنيا اللي إحنا عايشينها، لكن بتتكلم بخوف من اللي هيطلع يرفع عليها قضية ويقول ده بيبوظ الأخلاق المصرية”.

نرشح لك: يسري نصر الله: السينما دخلت في أزمة بعد التخلي عن المغني والراقصة

تابع: “أكتر حاجة بتبوظ الأخلاق المصرية هي الخوف، والوصاية الغريبة، واللي بنسميه مجتمع وبيطلع يقول كلام على السوشيال ميديا وكده، لو دورنا هنلاقيهم ناس منظمين عشان يعملوا كده”.

في سياق آخر تحدث عن موهبة الفنانة عبلة كامل والفنان باسم سمرة قائلاً: “ببساطة عبلة كامل وباسم سمرة، ممثلين خرافيين ممكن نديهم أي دور هيعملوا منهم حاجة كبيرة “.

تابع : “دور عبلة كامل في فيلم (مرسيدس) مش معقول، خرافة، في شخصية مدربة رقص تعاني من شلل الأطفال كان رهيب.. وعبلة كامل وباسم سمرة فيهم حاجة بيخلوا للشخصية اللي بيعملوها مهما كانت مساحة الدور صغيرة روح وحياة”.

أما عن أقرب أعماله لقلبه قال”نصر الله”: “عمري ما عرفت أرد على هذا السؤال ده، لكن هقول أن لكل فيلم وأنا بعمله وقتها حطيت فيه كل إلى عندي، عشان كده بحبهم كلهم”.