الوزراء: الغاز متوفر ولا نصدره لـ أوروبا
قال السفير نادر سعد، المتحدث الرسمي باسم مجلس الوزراء، إن السبب في استمرار انقطاع الكهرباء لتخفيف الأحمال، هو استمرار الموجة الحارة.
أضاف “سعد” خلال مداخلة هاتفية في برنامج “يحدث في مصر” مع الإعلامي شريف عامر، المذاع عبر شاشة “mbc مصر”: “الموجة الحارة هي اللي سببت الزيادة في الاستهلاك بشكل مرعب للغاز والمازوت، ووصل استهلاك الكهرباء في مصر لمعدلات قياسية اقتربت من 36 جيجا في اليوم”.
نرشح لك: تفاصيل خطة للحكومة للتعامل مع أزمة انقطاع الكهرباء
أما عن تحديد يوم الأحد لعمل الموظفين الحكوميين من المنزل، أشار: “العمل من المنزل قاصر على الخدمات الحكومية غير المرتبطة ارتباط مباشر بمصالح الجماهير، أي موظف يستطيع أنه يؤدي عمل مكتبي من خلال جهاز الكمبيوتر ولا تتأثر خدمات الجماهير به، سيعمل من المنزل يوم الأحد”.
أوضح: “هنعلن عن جدول قطع الكهرباء، ده كان مطلب جماهيري مشروع وده هيحقق أريحية كبيرة للناس، وده هيحصل ابتداء من يوم الاثنين، وستعلم كل منطقة موجودة في مصر مواعيد القطع سواء بالنهار أو بالليل”.
أردف: “إحنا دلوقتي محتاجين نستورد شحنات مازوت إضافية عشان تتواكب مع الزيادة الكبيرة في الاستهلاك من المازوت اللي هي نتيجة ارتفاع درجات الحرارة، ومفيش مشكلة في شبكات الكهرباء قطعا، لأن كل الشبكات جديدة، وتعمل بكفاءة، والغاز الطبيعي متوفر ولا نصدره لأوروبا”.