بسبب قططها.. عائشة بن أحمد تحذر من استغلال العيادات البيطرية
استغاثت الفنانة عائشة بن أحمد، بسبب عيادة بيطرية لم تستطع معالجة قططها، مؤكدة على أنها تعاني منذ 3 أسابيع.
كتبت “بن أحمد” عبر حسابها الرسمي على موقع تبادل الصور والفيديوهات “إنستجرام”: “لو سمحتوا حاولوا تسألوا كويس قبل ما تودوا كلابكم أو قططكم لأي عيادة، أنا قططتي عياننين أوي وبيتعالجوا وبايتين من 3 أسابيع في عيادة وكل ما يقولولي إنهم خفوا أرجعهم البيت، تاني يوم اكتشف إنهم لسه عيانين وفي كل مرة أرجعهم العيادة فيكتشفوا إن عندهم مرض جديد”.
نرشح لك: أبرزها رأيها في تجميد البويضات.. ملخص تصريحات عائشة بن أحمد في “كلمة أخيرة”
أكملت: “لغاية من يومين قالولي تمام وإنهم خفوا وبعدين رجعوا في كلامهم وقالولي لا فيه واحد بس اللي خف والثاني لا، فقررت أغير العيادة عشان حسيت إن قططي مش بتتحسن وإن فيه استغلال مادي ونية مش كويسة”.
أضافت: “لما روحت لهم منهارة وعايزة آخذ القطط فجاة قالولي على فكرة هما الاتنين كويسين وكنا هنقولك تمام روحي بيهم الاتنين، سبحان الله، ختهم وعملتلهم أشعة وتحاليل تانية لقيت إنهم تعبانين أوي، شالوا لواحد فيهم القسطرة مع إنه لسة محتاجها، فركبولوا في العيادة التانية واحدة تانية النهاردة، إنتوا متخيلين هو تتعذب قد إيه؟”.
اختتمت: “لا بياكل ولا بيشرب، والثانية حرارتها 41، وحالتها خطر وبردو ما بتاكلش وما بتشربش، من 3 أسابيع وأنا عايشة الكابوس ده ما كنتش عايزة أكتب ولا أحكي لحد، بس لازم الناس تاخد بالها كويس أوي وتسأل كويس قبل ما تودي حيواناتها لأي عيادة”.
