عمرو أديب يناشد الدولة للاهتمام بالسياحة

قال الإعلامي عمرو أديب، إن الترويج للسياحة واهتمام الدولة بها سيؤدي إلى تدفقات سياحية من العالم، لتنتعش الدولة.

تابع “أديب” في حلقة مساء الأحد من برنامج “الحكاية”، المذاع عبر شاشة “Mbc مصر”: “يعني هي دولة سياحية في سايح أو اتنين بيصرف على كل مواطن، المواطنين قاعدين كده مبسوطين، والسايح بييجي يصرف فبيتصرف على المواطنين.. أنا نفسي بس يبقى في نوع من أنواع العقلية الجمعية في هذا الأمر”.

نرشح لك: أسماء أوائل الثانوية العامة لعام 2023

أشار أنه يرى أن مصر ليست بلدا زراعية، لأن بها 80% صحراء، كما أنها ليست بلدا صناعية، ولكن هي بلد سياحية. مضيفا: “عشان كده أنا نفسي بس الدولة موضوع السياحة ده تديله اهتمام شديد، يعني زي ما الدفعات اللي حصلت للزراعة، وتوفير المياة، وشق الترع، وزي الدفعة اللي بيحاولوا يعملوها للصناعة إنهم يزودوا الاستثمار، ولكن السياحة يا سادة”.

تابع: “السياحة عندنا على فكرة في مصر مش محتاجة تزق جبل، ده محتاجة إن أنت تقعد فوق الجبل، ويأتي الناس لك من الشرق والغرب.. لست في حصة جغرافيا، وتاريخ عشان أكلمك عن المواقع السياحية، والمتاحف، والبحار المصرية، ولطافة الشعب المصري، والأكل المصري”.

استطرد: “السياحة هي الحل، اديها واحدة هتديلك عشرة، السياحة هتفوق معانا جامد، وعلى فكرة مش محتاجة عقد”.