كريم قاسم يروي كواليس شخصيته في "أولاد رزق 3"

أمنية محمد كريم قاسم

كشف الفنان كريم قاسم، عن كواليس تحضيراته الأخيرة لفيلم”أولاد رزق 3″، الذي سيتم البدء في تصويره في أكتوبر المقبل، والذي تم تقديم الجزء الأول منه في 2015، والجزء الثاني في 2019.

قال”قاسم” خلال لقائه مع “ET بالعربي“: “أنا متحمس جدًا، وبقالي سنة بروح الجيم ولسة بروح، ومحتاج جيم بقى أكتر قبل شهر أكتوبر، وبلعب رياضات وحاجات كدة عشان متحمس جدا للتجربة، والواحد يكون مستعد جسديًا للمشاهد”.لافتًا أن تصوير الجزء الثالث سيكون في شهر أكتوبر المقبل.

تابع :”أنا لسة مقرأتش السيناريو، أتمنى يكون في تغيير في حدود الشخصيات، وأكيد اتطوروا من الجزء التاني للتالت، وبينضجوا وبيتعلموا من أخطائهم، فأنا متحمس إني أرجع للشخصية دي من تاني”.

أكمل: “بس الأستاذ طارق بيحكيلي، وهو مش مطمني خالص، وقالي إن أنا هتبهدل، ،فأنا بستعد لكل الظروف”

كما أعرب عن سعادته بالتعاون من جديد مع المخرج طارق العريان قائلًا: “مخرج من ألطف المخرجين ومن أحلى 3 مخرجين اشتغلت معاهم، شخص سلس وبيسمع وبيخلق مناخ إيجابي وقت التصور، وعنده ثقة في نفسه، ومفيش حاجة ممكن تهزه لو حد قالها، ودي حاجة جميلة الصراحة إن حد يشتغل مع واحد بالشخصية دي”.

نرشح لك: داليدا خليل: لقائي بعمرو دياب كان بسيط وعفوي

الجدير بالذكر أن الجزء الأول من فيلم “ولاد رزق” تم عرضه في 2015، وهو من بطولة أحمد عز، وعمرو يوسف، وأحمد الفيشاوي، وكريم قاسم، وأحمد داود ومحمد ممدوح، ونسرين أمين، تأليف صلاح الجهيني، وإخراج طارق العريان.

وبالنسبة للجزء الثاني فقد حمل اسم “عودة أسود الأرض”/”ولاد رزق” وتم عرضه في 2019، وكان بطولة كلاً من: أحمد عز، وعمرو يوسف، وأحمد الفيشاوي، وكريم قاسم، وأحمد داود، وخالد الصاوي، وسيد رجب، ومحمد لطفي، ومحمد ممدوح، وتأليف صلاح الجهيني، وإخراج طارق العريان.