استمع.. أغنية "حكايتنا منهية" لـ رامي جمال
طرح الفنان رامي جمال أغنية جديدة تحمل اسم “حكايتنا منهية” عبر قناته الرسمية على موقع “يوتيوب“.
الأغنية من كلمات محمد أبو نعمة، ألحان رامي جمال، توزيع النابلسي، ميكس وماستر خالد سند.
نرشح لك: استمع.. أغنية “الكل عليك بينم” لـ محمود العسيلي
وجاءت كلمات الأغنية كالتالي:
فاكر زمان أنا قولت نتحمّل وادينا
بإيدينا روحنا لبُعدنا ورضينا بيه
جاي بعد إيه بتقولي تاني نعيد ماضينا
مابقاش خلاص إحساس مابيننا نخاف عليه !!
أمانة روح وارتاح.. أنا بقيت مرتاح
ضاعوا خلاص أحلامنا.. أظن كفاية !!
كانوا يومين، أيام.. لو ده خير كان دام
ده أنا هاضيع قدام لو أنت معايا !!
كده فراق خلصان.. ده ولا وعد اتصان
أنا صحيت والرؤيه بقت وضحالي ..!!
أنا خلاص مش ليك.. لو أنا جيت هأذيك
ما أنا سنين ضحيت ومين ضحالي ؟
أنا وأنت خلاص حكايتنا منهية
واديني مشيت وقفلت ع الماضي
رجوعك فكره بالنسبالي ملغية
ومن غيرك بعيش عادي !!
أمانة روح وارتاح.. أنا بقيت مرتاح
ضاعوا خلاص أحلامنا.. أظن كفاية !!
كانوا يومين، أيام.. لو ده خير كان دام
ده أنا هاضيع قدام لو أنت معايا !!
كده فراق خلصان.. ده ولا وعد اتصان
أنا صحيت والرؤيه بقت وضحالي !!
أنا خلاص مش ليك.. لو أنا جيت هأذيك
ما أنا سنين ضحيت ومين ضحالي ؟
في سياق متصل، روج الفنان رامي جمال لأغانيه الجديدة والتي تعد هذه الأغنية إحدهما عبر حسابه الرسمي على موقع تبادل الصور والفيديوهات “إنستجرام”، معلقا: “أسبوع النكد، افتكروا إني حاولت أفرفشكم وأنتوا اللي رفضتوا، اللي عنده مشكلة مع اللي بيحبه يتجنب سماع أغاني الدراما بتاعتي اللي نازلة”.
يشار إلى أن أحدث أغاني الفنان رامي جمال، أغنية “يالا بينا” وهي من كلمات أحمد عبد النبي، ألحان غريب، توزيع النابلسي، ميكس وماستر خالد سند.