هل مهنة الكوافيرة حرام؟ الورداني يجيب

أمنية محمد

أجاب الشيخ عمرو الورداني، على سؤال من إحدى المتابعات، جاء فيه: “حماتي بتشتغل كوافيرة، وسألت حد قبل كده وقالي إن الشغلانة دي فلوسها حرام، ولما تروحي ماتكليش عندها، فهل الكلام ده صحيح؟”.

وجه “الورداني” خلال برنامجه “ولا تعسروا” المُذاع مساء اليوم، عبر شاشة القناة الأولى المصرية، نصيحة لللسائلة بأن تبتعد عن التفكير بهذه الطريقة، قائلا: “لو سمحتي روحي وكلي عند حماتك، والطريقة دي هتخلي حماتك تفهم أنك بتبعتلها رسالة أنها قليلة الديانة، وأن هي مالها حرام، والحقيقة دي مش صحيح”.

نرشح لك: حورية فرغلي: وحشني التمثيل وتعب التصوير

أضاف: “هي لو بتزين حد ومتيقنة إن الحد ده هيروح يمارس بالزينة دي الحرام، ساعتها يبقى ممنوع، بس محدش بيجي يتزين ويكون هيعمل ده، فهي لو زينت امرأة متزوجة، ده عمل حلال، وقد تثاب عليه، لأنها تزين امرأة لزوجها، فبذلك بلاش الطريقة دي، طريقة مسألة إن شغلة الكوافير كده كلها حرام، لأ”.

أردف: “الأمر التاني، أنتِ مش مأمورة أنك تفتشي عن أموال الناس حلال ولا حرام محدش طلب منك ده، ويا رب ما تكوني قولتي لحماتك كلامك ده، فمالها ده مش حرام، ولو تكرمتي خلي بالك وأنتي بتسألي في الدين، لأن المسألة كمان بيبقى ليها أبعاد أخلاقية، إذن عمل المرأة التي تعمل في تزيين النساء، إذا كانت تزين زينة واضحة الحل، فإذا كانت بتعمل في ده، فهي بتعمل في عمل واضح الحل”.