فيفي عبده: صلوا تلاقوا اجمل أيام حياتكم
نصحت الفنانة فيفي عبده جمهورها بالصلاة، مؤكدة أن الصلاة أهم شيء في الحياة، لافتة إلى أن من يسانده الله لا يرى ضررًا أبدًا.
قالت “عبده” في “لايف على إنستجرام”: “اللي معاه ربه مايخفش، الصلاة الصلاة، صلوا وهتلاقوا أحلى أيام حياتكم في الصلاة، أحلى أيام حياتكم وأنتو بتصلوا، دي نقرة ودي نقرة”
نرشح لك: فيفي عبده عن محمد رمضان: “منقدرش نقول ربنا بيرزقه ليه؟”
أضافت: “أنا على طول بخير، لأن ربنا لما بيحب عبده، بيبقى دايما سعيد، بحمد ربنا على اللي انا فيه، وبدعيه يحفظ أولادي وأحفادي”.
في سياق آخر، قدمت فيفي عبده نصيحة لتجنب لدغات قنديل البحر، وهي نزول الماء بزجاجة خل: قائلة: “يخربيته على قرصته، محدش ينزل المية من غير زجاجة خل في جيبه، أنا اتقرصت منه كتير، عشان أعمل السبع موجات، كنت بعملها كتير أوي”.
واعتذرت للمتابعين عن ضحكها وهزارها خلال اللايف، في نفس يوم وفاة والدة صديقها الفنان أحمد شيبة، فأجابت: “ربنا يرحمها أخويا وحبيبي، ويرحم ابن حسن يوسف، بس غصبن عني، معرفش أطلع في لايف وماضحكش، حسن هنا معانا في الساحل، ومش عايزة أفكره فربنا يصبرهم”.