حسن عبد الفتاح: المخرجين الجدد سبب قلة الفرص ولهذا أفضل العمل بالخليج
تحدث الفنان حسن عبد الفتاح عن سبب تفضيله للأدوار الثانوية، ورأيه في سبب قلة الفرص المتاحة للممثلين حاليا مقارنة بذي قبل.
قال “عبد الفتاح” خلال لقائه مع الإعلامية إنجي هشام في برنامج “المنسي“، المذاع عبر قناة “هي”: “المخرجين الجدد الموجودين حاليا هم السبب في قلة الفرص المتاحة للممثلين، لأن معظمهم بيحبب الشلالية.. كل واحد فيهم يعرف شلة ويبقى هما دول اللي هيشتغلوا معاه.. مكانش في الكلام ده مع مخرجين زمان”.
نرشح لك: محمد الباز: سيبوا عادل إمام يهنأ بأيامه الأخيرة
أضاف: “أنا بحب أسافر أشتغل في الخليج ولسة عامل فيلم في أبو ظبي قريب، لأن هنا فين وفين على ما يتعرض عليا دور كويس، لكن هناك أنا باخد دور كبير وبمثل مع نجوم الوطن العربي، وكأجر وفلوس كمان بيكون مجزي أكتر والتعامل هناك أفضل ومنظم أكتر”.
أردف: “أنا معملتش دور بطولة لحد دلوقت ولا اتعرض عليا، بس أنا حابب الدور التاني اللي جمب البطل.. أنا بطل في ملعبي والأدوار دي هي ملعبي، ما أنا ممكن أعمل بطولة والفيلم ماينجحش وساعتها هكتئب وأرجع غصب عني أعمل دور تاني.. مش عاوز أخوض التجربة دي”.
يشار إلى أن الفنان حسن عبد الفتاح، شارك مؤخرا في مسلسل إكس لانس، بطولة محمد سعد، جيهان خليل، أحمد فتحي، ويزو، محمد سعد، والعمل من إخراج إبرام نشأت، وتأليف ورشة بلاك هورس.
