مها الصغير: أصبحت مذيعة بسبب أزمة شخصية صعبة
كشفت الإعلامية مها الصغير سبب اتجاهها للعمل كإعلامية، مشيرة إلى أنها كانت تبحث عن أي وظيفة بدخل ثابت وقتها.
قالت “الصغير” خلال لقائها مع الإعلامية رضوى الشربيني في برنامج “هي وبس”، المذاع عبر شاشة cbc سفرة: “كنت بمر بظروف شخصية صعبة في فترة ما، وكنت محتاجة في الوقت ده يكون عندي شغل بمرتب ثابت.. لقيت شيرين عرفة بتكلمني وبتسألني “مش عاوزة تقدمي برنامج عن السينما؟” قلتلها أه”.
نرشح لك: إلهام شاهين تكشف أسباب تميز مهرجان القاهرة للدراما
أضافت: “وبدأنا بعدها بروفات وعملنا البرنامج، رغم إني عمري ما شوفت نفسي مذيعة مع إنها دراستي لأني خريجة كلية الإعلام”.
كما أوضحت رأيها في الجدل حول حق الزوجة في معرفة دخل زوجها الشهري، قائلة: “مش من حق الست تعرف دخل زوجها الشهري كام، لو هتكلم عن نفسي أنا عمري ما عملت كده في حياتي”.
أردفت: “لكن بيعجبوني الناس في البلاد الأوروبية ان عندهم شفافية بين بعضهم، هو مش لازم ولا واجب على الزوج لكن أكيد لو يعرفوا بعض يبقى أحسن لأنهم شركاء”.