خالد الجندي يوضح ما هو "عالم الذر"
تحدث الشيخ خالد الجندي عن عالم الذر، موضحا ما هو وما علاقته بالعقيدة.
قال “الجندي” في برنامج “لعلهم يفقهون” المذاع على شاشة dmc: “موضوع العقيدة ده كان موجود قبل ما أنت تبقى موجود، معنى ذلك أن فيه عالم تاني أنت كنت موجود فيه”.
نرشح لك: دار الإفتاء: أرباح البنوك جائزة شرعاً
تابع: “أوعى تفتكر إن أنت أول لقائك في الحياة كان هو في الحياة الدنيا دي، لاء دي الحياة الدنيا إنما كان فيه وجود ليك فعليا في الحياة قبل هذه الحياة، فين؟ في عالم اسمه عالم الذر وهو العالم الذي حدث منه النسل والذرية”.
استكمل: “ففيه عالم اسمه عالم الذر حيث الأرواح ولا أجساد، الأرواح دي كلها كانت متجمعة مع بعض وربنا قالهم تلقين العقيدة قبل أنت ما تيجي الدنيا دي علشان كده في الدنيا كل هم الشيطان أنه ينسيك اللي متسجل على قلبك اللي هي العقيدة”.