كيف لا تصبح حسودا.. نصيحة من مصطفى حسني

رد الداعية مصطفى حسني، على سؤال أحد المتابعين، جاء فيه: “إزاي أطمن إني مش بحسد حد لما أشوف حاجة حلوة حتى لو بقول ما شاء الله”.

قال حسني” خلال مقطع فيديو نشره عبر حسابه الرسمي على موقع”إنستجرام”: “أول ما تشوف أي حاجة قول ما شاء الله تبارك الله، ومتسألش عنها ومتتكلمش في الحاجات، العقول الصغيرة بتتكلم في الأشخاص، والعقول المتوسطة بتتكلم في الأفكار والأهداف”.

نرشح لك: هل قانون الجذب حرام؟.. مصطفى حسني يجيب

أضاف: “لما تشوف مثلا إني لابس ساعة متقولش دي منين وبكام، لأنك كده بتقصقص اللي بيغزي الحسد، إنك تبقى مشغول بالأشياء قول ما شاء الله تبارك الله لا حول ولا قوة إلا بالله”.

أشار: “وتتمشى في بيتك وفي حياتك وتبص على كل نعمة وتحمد ربنا وتعد النعم، بتتنفس قول الحمد لله هتصحي عندك رؤيتك للنعيم ومتاهدش بالك من حاجة الناس لأنك مشغول بحاجتك”.

في سياق آخر، أجاب الداعية مصطفى حسني على سؤال إحدى المتابعات والذي يقول: هل قانون الجذب حرام؟ موضحا أن قانون الجذب له طريقتين أحدهما تنافي قدر الله.

أضاف “حسني” خلال مقطع فيديو نشره عبر حسابه الرسمي على موقع “إنستجرام”: “قانون الجذب له طريقتين الناس بتشرحها الأولى إنك لما بتفكر في حاجة كتير هتجذبها ليك وتحصل وده ينافي قدر الله والعلم، حتى لما درسنا مع دكاترة نفسيين قانون الجذب قالوا لنا الكلام ده مش صح، غير طبعا إني ممكن أفكر في حاجة وتبقى مش من أقداري، مش مكتوبة لي ومفكرش في حاجة وتيجي لي لحد عندي، الطريقة دي من فهم قانون الجذب دي غلط”.

أوضح: “أما قانون الجذب اللي بيتشرح بالطريقة الصح، اللي هو لما تفكر في حاجة هتبدأ تاخد بالك منها وتشتغل عليها ويتكون جواك إرادة، أنا مثلا لو عايز أخس مش هفكر في الخسسان، أنا لازم أشترك في الجيم والتزام بيه ده ملوش علاقة بقانون الجذب خالص ده فعل، لكن. لو بس فكرت في الحاجة متنفعش”.

أشار: “لو هنسمي قانون الجذب حسن الظن بالله، وإن شاء الله ربنا هيكرمني في الشغلانة دي ويفتح عليا، صح، بس أنت هتتصدم في علاقتك بربنا وقانون الطاقة ونفسك إنك متوفقتش في الشغلانة دي، إحنا مبنفكرش بقى بالقوانين دي خالص، إحنا بنجسن الظن بالله لأنه أمر حسن الظن، وبنفكر في النجاح مع التفويض إني ممكن مانجحش في ده”.

أردف: “المشكلة مين بيشرح لك قانون الجذب وبيشرحه إزاي، لو بيشرحه بتاع فكر في الحاجة هيجذبها ليك لا دين ولا علم بيقول كده، لو حسن الظن بالله ده زي ما يكون طقتين، طبقة أنا مش هخون البنت اللي بحبها فحسن ظني بالله إنها مش هتخوني، الطبقة التانية إنها لو خانت يبقى من حسن ظني في ربنا أنه يعوضني، طب لو مأكرمكش في ده، حسن الظن الحقيقي أنه هيكرمني في حاجة تانية ويعوضني، الموضوع محتاج تعلق بالله مش بالأشياء”.

 

مصطفى حسني

إنستجرام الداعية مصطفى حسني رئيسية مصطفى حسني