بسبب مولوده التاسع.. تامر أمين لـ رضا البحراوي: مش كتير؟!
وجه الإعلامي تامر أمين رسالة، للمطرب الشعبي رضا البحراوي، بعدما رزق بمولوده التاسع، موضحا أن هذا العدد من الأطفال كثير على الدولة، موجها أيضا هذه الرسالة إلى كل من هم مثل رضا.
أضاف “أمين” خلال حلقة أمس من برنامج “آخر النهار” المذاع عبر شاشة “النهار“: “كلامي لرضا ولكل رضا تاني بنفس المنطق.. مش كتير الله أكبر ربنا يزيد ويبارك محدش بيبص في الخلفة، بس مش كتير علينا إحنا، كتير على مصر، ومش بس رضا.. كل الناس التانية اللي فاتحة باب الخلفة على البحري، كتير علينا”.
نرشح لك: بعد رصد حالتين.. “مكافحة كورونا” توضح خطورة متحور أوميكرون EG-5.2
أشار: “الجهاز المركزي للتعبئة والاحصاء بالصدفة مطلع من 3 أيام إحصائية بتقول إن في مولود جديد كل 14 ثانية، يعني في الدقيقة 4 مواليد ودراع، أنا بتكلم بصفة عامة، 4 مواليد عايزين أماكن في المدارس، وأماكن في المستشفيات لو لقدر الله تعبوا، وعايزين 10 أو 15 رغيف كل يوم الصبح، و4 أماكن في المواصلات”.
أوضح: “كل حاجة اضربها في 4 في الدقيقة، هنلاحق منين ولا منين، رضا لما اتسأل في حوار واتقاله مش كتير، قال أنا بحب العزوة والسند والضهر، يا عم خد عزوتك من صحابك وأهلك وناسك، وخد عزوتك من ولادك بس 2 أو 3 أو 4، رضا لسه شباب لو كمل على المسيرة دي مش هنلاحق عليه، القصة مش رضا، بس أنا بقول لكل الناس في مصر، براحة على مصر”.
رضا البحراوي
View this post on Instagram