عمرو يوسف: كنت بطل الجمهورية في التجديف

قال الفنان عمرو يوسف، إن هناك اتجاه للدراما في العالم كله خلال السنوات الماضية، وهذا يرجع إلى وجود المنصات، التي جعلت المشاهدة سهلة وباختيارات متعددة.

أضاف “يوسف” خلال لقائه مع قناة “dmc” على هامش مهرجان القاهرة للدراما، أن هناك تنوع في الأعمال بسبب المنصات، وهناك تجارب درامية أشبه بالأفلام فهذه الفكرة تعطي مساحة أكبر للتنوع.

نرشح لك: حصريا.. نجوم الغناء المصري والعربي على “الحياة” في مهرجان القلعة

أما عن رأيه في النقد، قال: “في النهاية بشتغل عشان الجمهور يتفرج ويستمتع ويقول لي أنت تمام، لكن مايمنعش يكون في ناقد أنا بحترمه وبحترم رأيه والطريقة اللي بيكتب بيها، إني استفيد منه جدا، في الآخر إحنا بنشتغل للجمهور”.

وعن أول مسلسل له أشار: “أول مسلسل عملته كان (الدالي) مع أستاذ نور الشريف، وكنت بعرق وأنا واقف قدامه، الوقفة قدام نجم كبير ي أستاذ نور صعبة، بس بعد ساعتين الموضوع ده اتكسر وقدرت أعمل المسلسل بشكل جيد”.

أوضح: “التلفزيون مكان الواحد بيتحرك فيه وبيلعب وينبسط فيه وبيلاقي رد الفعل مباشر، الحلقة بتنزل بنشوف رد فعل الناس، الأفلام بتاخد شوية وقت عشان تشوفي رأي الجمهور”.

كما تحدث” يوسف عن حبه لرياضة التجديف، قائلا: “أنا رياضتي المفضلة وكنت بلعبها سنين طويلة وكنت بطل الجمهورية فيها كانت رياضة التجديف ودي رياضة مش مشهورة في مصر برغم إننا عندنا أفضل مكان نلعب فيه وهو نهر النيل”.