كلمات أغنية "عالم كدابة" لـ حمزة نمرة
طرح الفنان حمزة نمرة أغنية جديدة تحمل اسم “عالم كدابة” عبر قناته الرسمية على موقع الفيديوهات “يوتيوب“
الأغنية من كلمات حسام سعيد، ألحان عمرو الشاذلي وأحمد الشاذلي، توزيع وميكساچ عمرو الخضري.
نرشح لك: تفاصيل وأسعار تذاكر حفل ويجز بمهرجان العلمين
وجاءت كلمات الأغنية كالتالي:
شافو عندي حاجة حلوة
حبو منها يخطفوا
قربوا مني زيادة وطبلولي وسقفوا
واما أخدوا كل حاجة
ومني شبعوا واكتفوا.. اختفوا اختفوا
عيش وملح أصول وعشرة
كل دول اتبخروا
واللي ياما جريت عشانهم
عني هما اتاخروا
ده اللي يلقى واحد أصيل
في الزمن ده يقدره ويبخره.. يبخره
آه يا ناس مش صافية
جبتولنا الكافية
ضمايركوا بعافية
ما فيكوش غير عين
يا نفوس قلابة
يا عالم كذابة
بتقولو غلابة
ده غلابة مين
آه يا ناس مش صافية
جبتولنا الكافية
ضمايركو بعافيه
ما فيكوش غير عين
يا نفوس قلابة
يا عالم كذابة
بتقولو غلابه
وأنتم ملاعين
عندهم 100 ألف وش
ووشهم ولا تعرفه
مقنعين جدا وصعب
حد فيهم تكشفه
كل يوم بيمثلوا
وكل يوم بيألفوا وبيحلفوا.. بيحلفوا
يضربوك في الظهر
وامّا بيشوفوك يتبسموا
يدخلو الدخلة اللي هي
ويفضلو عليك يرسموا
عندهم عين لو تبص على الحجر
دي هتقسمه وتسممه تسممه
آه يا ناس مش صافية
جبتولنا الكافية
ضمايركوا بعافية
ما فيكوش غير عين
يا نفوس قلابة
يا عالم كذابة
بتقولو غلابة
ده غلابة مين
آه يا ناس مش صافية
جبتولنا الكافية
ضمايركوا بعافية
ما فيكوش غير عين
يا نفوس قلابة
يا عالم كذابة
بتقولوا غلابة
وأنتم ملاعين