بسبب "أرض النفاق".. جمال العدل يهاجم هنيدي

رد المنتج جمال العدل، على إعلان الفنان محمد هنيدي عن جزء ثاني من مسلسل "أرض النفاق"، الذي تعاون خلاله مع شركة العدل جروب في جزئه الأول عام 2018، موضحا أن الجزء الجديد سيكون من إنتاجه الشخصي.

قال "العدل" خلال لقائه مع ET بالعربي: "محمد هنيدي عمل 10 مسلسلات منجحوش المسلسل الوحيد اللي نجحله أرض النفاق، وراح من ورايا لورثة يوسف السباعي وتعاقد معاهم عشان يعمل جزء ثاني لوحده.. هل ده حقه أه لكن أدبيا ده مش حقه".

أضاف: "أنا مستغرب ده من هنيدي لأنه كبر وداخل على 60 سنة المفروض يكون لطيف يعني، أنا اقترحت أصلا وقتها نعمل جزء ثاني في نفس السنة لكن الشركة المتحدة قالولي لأ عاوزين الجزء ده وخلاص.. على فكرة جايز الشركة المتحدة تمنعه يعمله بردو"

فيما أوضح حقيقة التحضير لجزء جديد من فيلم "صعيدي في الجامعة الأمريكية"، قائلا: "عمري ما أعمله.. كل ده هزار من هنيدي على الفيسبوك، لكن أنا عمري ما هعمله لأن ده اجترار للنجاح.. لو عاوز يعمله لوحده يعمله، بس ده لو المؤلف مدحت العدل وافق بقى".

يشار إلى أن الجزء الأول من مسلسل "أرض النفاق" من بطولة محمد هنيدي، دلال عبد العزيز، هنا شيحة، محمد ثروت، سلوى محمد علي، محمود حافظ، وتأليف أحمد عبد الله عن رواية الأديب يوسف السباعي، وإخراج سامح عبد العزيز ومحمد العدل.