إيمي طلعت زكريا: بابا مات محسود
حلت الفنانة الشابة إيمي طلعت زكريا، ضيفة مع الإعلامية سارة نخلة خلال برنامجها "فيس أوف" على شاشة قناة هي للحديث عن أعمالها الفنية وكواليس لأول مرة عن حياة الفنان الراحل طلعت زكريا.
كشفت "زكريا" عن خوف والدها من الحسد وعلاقته بوفاته قائلة: "بابا مكنش بيخاف من الحسد بس كان بيبقى عارف يعني أول فيروس جاله بعد ما صور فيلم طباخ الريس وصوره قعد وقال يارب انا حاسس اننا هيجرالي حاجة بعد الفيلم دا فلو هيحصل حاجه متجيش في ولادي بعد ٣ أيام بالظبط كلمت دكتور أشرف ذكي ونقلناه على المستشفى وحصل اللي حصل".
وأضافت معبرة عن دور فيلم "طباخ الريس" في نجاحه ومرضه: "حاحا وتفاحة كان بطولته الأولى وكان أول أبناءه في البطولة وبعدها بسبب طباخ الريس كان هيشتغل بالملايين وشركات الإنتاج بتجري وراه بس القدر كان ليه كلام تاني وربنا كان عايز كده وانا بشوف انه مات محسود".
وتابعت: "في مرة قبل وفاته بكام يوم كنت منزلة فيديو ليا انا وهو من فرح هنا الزاهد واحنا بنرقص مع بعض وحضناه لقيت واحدة كتبتلي على انستجرام ماتراعي الناس اللي أبوهم ميت فانا اتخضيت وشيلت الفيديو لاني مكنتش عايزة بابا يحصله حاجه، الحسد مذكور في القرآن والحسد بيدخل للرجل القبر وأنا مؤمنة بيه وتعددت الأسباب والموت واحد بس انا شايفة ان بابا مات حسد".
برنامج "FACE OFF" تقدمه الإعلامية سارة نخلة على شاشة قناة هي يوميًا من السبت إلى الاثنين ويستضيف عددا من نجوم الفن وتناقش القضايا المطروحة بين الجمهور.