تعليق تامر أمين على رد فعل شريف منير بشأن أزمة ابنته
علق الإعلامي تامر أمين على رد فعل الفنان شريف منير، حول أزمة ابنته أسما بعد حلقها شعرها في فيديو نشرته عبر حسابها على إنستجرام.
قال "أمين" خلال برنامج "آخر النهار": "شريف منير فنان خلوق ومحترم طبعا وصديقي لكنه أساء التقدير في اللي قاله في الفيديو، أنا مع شريف طبعا إن أسما حرة لأنها مأذتش حد، بس طالما قرار يخصها يبقى مكانتش تصوره وتنزله".
أضاف: "ده مش قرار شخصي ده قرار باحث عن التريند واللايكات، وطالما انتي اللي بحثتي عن الاهتمام يبقى متزعليش من رد الفعل.. مكانش صح يقولها برافو خدتي التريند، لأنه نجم وبنته شخصية عامة ومش محتاجين، خلوا التريند يبقى من أعمالكم وفنكم".
استطرد: "فكرة الهوس بالتريند عن طريق التقليعات الغريبة والأفعال الشاذة شوفنا ودت شباب في داهية إزاي".
كان الفنان شريف منير رد على الانتقادات التي وجهت لابنته أسما شريف منير، بعد ظهورها حليقة الرأس بمهرجان القاهرة للدراما في نسخته الثانية.
ونشر منير فيديو عبر حسابه على إنستجرام، قال فيه: "كل الدوشة دي عشان بنتي قصت شعرها قدام الكاميرا! فين الغلط اللي عملته؟.. تصرف عادي جدا، وبنتي معملتش حاجة غلط.. اوعوا تفتكروا إني ممكن آجي على بنتي عشان أكسب رضاكم، دي بنتي اللي مليش غيرها وبحبها".
وتابع: "بنتي متربية كويس جدا بتتصرف باللي هي حاسة بيه، المهم إنها متكنش بتؤذي حد.. وقبل ما تتكلموا بصوا على نفسكم وعلى عائلاتكم".
وأضاف شريف منير: "بنتي عندها 36 سنة وأم وعندها بنوتة ومسؤولة عن نفسها وحرة في تصرفاتها، ودوري إني أحميها، وعاجبني اللوك الجديد بتاعها وشكلها زي القمر فيه".
تامر أمين يعلق على أزمة أسما شريف منير