ابنة لبنى ونس: أمي لا تذكرنا بتضحياتها ومتفانية في عملها

قالت اليوتيوبر أية شعيب، ابنة الفنانة لبنى ونس، إن والدتها متفانية جدا في عملها وعلاقتها بكل من حولها، وهو ما تعتبره مرهق بالنسبة لها.

تابعت خلال لقائها هي ووالدتها مع الإعلامية إيمان الحصري، في برنامج "مساء dmc": "ماما مش من نوع الأمهات اللي كل شوية يقول أنا عملت وسويت عشانكم، هي مش محتاجة تتكلم.. هي ضحت بجد، وأنا حاولت أغير في شخصيتي عشان أسندها".

أضافت: "هي طيبة لدرجة كبيرة وأي حد بيغلط عندها له مساحات غفران كبيرة أوي ومتفانية أوي في علاقاتها، وبتوافق على أي حاجة تخص شغلها".

أردفت: "ماما لحد دلوقت بترد على أي أرقام غريبة عشان كده تليفونها بيرن 24 ساعة، بقولها بطلي تردي تقولي افرضي حد محتاج حاجة".

فيما تحدثت لبنى ونس عن علاقتها بأولادها، قائلة: "أنا بالنسبة لي فاطمة في جعفر العمدة قريبة لقلبي عشان أنا أم متشحتفة، أنا ولادي كل حياتي وبحبهم أوي هما الدنيا كلها، ولأني مأدركتش ده في أول حياتي، فمن ساعة ما أدركت إن هما الحياة بالنسبة لي، حسيت إن أنا عايزة ألحق ابقى معاهم وليهم، ويبقوا هما الدنيا كلها، فحاسة إني بسابق الزمن وإني طول الوقت مقصرة، فهما كل حياتي ومعنديش أغلى منهم".