تعليق تامر أمين على طلاق أحمد سعد للمرة الرابعة
علق الإعلامي تامر أمين على انفصال الفنان أحمد سعد وزوجته مصممة الأزياء علياء بسيوني، وتعد تلك هي الزيجة الرابعة لـ "سعد" التي تنتهي بالطلاق.
قال "أمين" خلال برنامج "آخر النهار" المذاع على شاشة النهار: " زوجات وطلاقات وخناقات أحمد سعد الزوجية أكتر من أغنياته".
تابع: "أحمد أخويا الصغير وبحبه جدا وبحب أغانيه بس عايزه يهدى شوية في موضوع الجوازات، واحدة واحدة يا ابني ده أنت لسه صغير وبسم الله ما شاء الله فرمت أربعة، إيه بقى هنكمل الدستة؟ هي فورة؟ بالراحة يا أحمد".
يذكر أن علياء بسيوني أعلنت عن انفصالها عن الفنان أحمد سعد، موضحة أن الطلاق تم بناء على رغبته.
نشرت "بسيوني" عبر خاصية القصص القصيرة على حسابها الشخصي على موقع تبادل الصور والفيديوهات إنستجرام، وكتبت: "الحمد الله على كل شئ، تم الطلاق بيني وبين أحمد من شوية بناء على رغبته.. حابة أشكر أحمد جدا على أصله الغير طيب ومعدنه السئ وحابة أقوله شكرا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تماما وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابة أنه ينتهي".
تابعت: "شكراً على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول الساحل وخروجاته وبعدها شغلك، أكبر شكر على المقلب اللي أنا أخدته في العلاقة دي واللي كنت فاهمة أن ليها قيمة ببني وبضحي وبتنازل عشانها وأنت طلعتها ولا تسوى، ربنا معايا أنا وبناتي في الجاي وينتقم منك ويديلك على قد كل حاجة حصلت".