متابع يتساءل: هل أسجل لزوجتي لأثبت خيانتها؟.. عمرو الورداني يجيب
أجاب الدكتور عمرو الورداني، على سؤال أحد المتابعين يقول فيه: "زوجتي رفعت عليا قضية خلع وأنا واثق أن في رجل آخر هل أسجل لها، أو أهكر هاتفها لأثبت فعلا جريمة الزنا؟".
قال "الورداني" خلال حلقة اليوم من برنامج "ولا تعسرو" المذاع عبر شاشة "الأولى المصرية"، أن هذا سوء أخلاق من هذا الرجل، فقد تكون الزوجة تريد الخلع بسبب أفعال الزوج، أو تجاهله أو اختلاف نمط حياتهما، مضيفا: "حسبي الله ونعم الوكيل، إيه اللي أنت عايز تعمله ده؟ هي عندها احساس أن حياتكم مش هتكمل مع بعض فطلبت الطلاق وأنت رفضت فعملت الخلع، تعمل معاها كل هذه الجرائم؟".
أضاف: "أول جريمة، هي الطعن في شرفها دي ليها عرض، وبعدين دي كانت لحمك ودمك، هي دي وصية حضرة النبي أنها لو كرهتك تطعن في شرفها، أنت كده مستريح وحاسس إنك حافظت على أعراض المسلمين.. عرضها يا راجل تعمل فيه كده، يا أخي أنت جبت يقين أن في رجل آخر منين؟ أتقي الله في نفسك".
أوضح: "عايز تهكر تليفونها أو تسجلها ده يرضي ربنا أنت ترضى حد يعمل معاك كده؟ أن حد يخترق خصوصيتك ويطعن في عرضك وشرفك، أنت مرتكب كبيرة لو عملت كده، يحرم عليك هذا، ويشتد الأمر حرمة إذا كانت المرأة زوجتك، رايح تعمل كده في مراتك أمال خليت لعديم الأخلاق إيه؟".
