جومانا مراد: محمد رمضان سبب مشاركتي في فيلم "ع الزيرو"
تحدثت الفنانة جومانا مراد عن سبب انضمامها لفيلم "ع الزيرو"، مشيرة إلى أن الفيلم تجربة جديدة ومختلفة عن باقي أدوارها.
قالت "مراد" خلال لقائها في برنامج "الراديو بيضحك" على الراديو 9090: "الناس بيقولولي اني كنت بونبوناية فيلم "ع الزيرو" والشخصية فعلا جديدة وغريبة عليا، وأنا بحب محمد رمضان جدا وكنت حابة اننا هنشتغل سوا.. يمكن هو كان السبب الرئيسي إني عملت الفيلم".
فيما تحدثت عن رأي عائلتها في أعمالها الفنية، مردفة: "ولادي لسة صغيرين عندهم ٣ سنين و٤ سنين ونص فمش مستوعبين لسة أعمالي ولا بيتفرجوا، بس ابني اللي عنده ٤ سنين ونص بدأ يبص ويستغرب ويقولي عاوز أجي معاكي الشغل، لكن جوزي بيبقى مبسوط وهو بيتفرج عليا وبيحبني أشتغل شعبي".
يشار إلى أن فيلم "ع الزيرو" بطولة النجم محمد رمضان و النجمة نيللي كريم، چومانا مراد، خالد الصاوي، محمد لطفي, شريف دسوقي، إسلام ابراهيم، تأليف د. مدحت العدل و إخراج محمد العدل و من إنتاج جمال العدل و أحمد العدل و استوديوهات ڤوكس.
يناقش الفيلم قصة انسانية لمعاناة أب فقير مع مرض ابنه و محاولة إنقاذ حياته، و لكن تتطور الاحداث و يصبح من الأغنياء.