سلوى عثمان: اتظلمت في البداية وماخدتش حقي غير لما كبرت
قالت الفنانة سلوى عثمان، إن والدها الفنان عثمان محمد علي، لم يعترض على دخولها مجال التمثيل، موضحة أنه لم يخشى عليها من متاعب المهنة لأنها كانت تحبها.
أضافت "عثمان" خلال لقائها في برنامج "التاسعة" مع الإعلامية شافكي المنيري المذاع عبر شاشة "الأولى المصرية": "بابا معترضش إني أمثل لأنه هو فنان، مش معقول يعترض أن بنته ممثلة، في ناس مبترضاش بيخافوا على ولادهم من تعب المهنة، لكن بابا كان حاسس إني غاوية الموضوع".
أشارت: "أنا ماعنديش مشكلة في إني ماخدتش بطولة المطلقة، بس كنت أتمنى أبقى بطلة أولى، دي حاجة طبيعية، دايما كانوا بيدوني أدوار أكبر من سني، ماكونش شايفيني في دور البنت الصغيرة، لأن جسمي ماكنش رفيع وكنت مليانة شوية وأكتر البنات رفيعين".
أوضحت: "حاسة إني اتظلمت وماخدتش حقي أوي غير بعد ما كبرت، كنت بشتغل والناس بتقول إني ممثلة كويسة، بس ماكنتش واخدة الأدوار اللي فيها مساحة كبيرة، أو اللي بتقدمني بالشكل اللي استحقه".
أما عن تعاونها مع المخرج محمد سامي قالت: "محمد سامي لما يكتب حاجة، قد إيه بتبقى جماهيرية، والناس كلها بتقعد تتفرج عليها، ومن المخرجين اللي رجعوا الناس تستنى المسلسل، خصوصا المسلسلات الاجتماعية".